+7 (701) 759 90 19
17 °С : نۇر-سۇلتان
18 °С : الماتى
USD 425.3 EUR 501.05
RUB 5.85 CNY 65.88
جاڭالىقتار

پرەزيدەنت ماڭعىستاۋ جانە قىزىلوردا وبلىستارى اكىمدەرىنىڭ ەسەبىن تىڭدادى

21 شىلدە 18:59
:ءبولىسۋ
پرەزيدەنت ماڭعىستاۋ جانە قىزىلوردا وبلىستارى اكىمدەرىنىڭ ەسەبىن تىڭدادى

نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ ماڭعىستاۋ جانە قىزىلوردا وبلىستارىنىڭ اكىمدەرىمەن وڭىرلەردەگى قازىرگى سانيتارلىق-ەپيدەميولوگيالىق جانە الەۋمەتتىك-ەكونوميكالىق احۋالدى تەلەفون ارقىلى تالقىلادى.

بۇل تۋرالى ق ر پرەزيدەنتىنىڭ باسپا ءسوز حاتشىسى بەرىك ءۋالي Facebook-تە جازدى، دەپ حابارلايدى قازاقپارات.

ماڭعىستاۋ وبلىسىنىڭ اكىمى سەرىكباي ترۇموۆ پرەزيدەنتكە COVID-19 ىندەتىنە قارسى كۇرەس بويىنشا قابىلدانىپ جاتقان شارالار، سونىڭ ىشىندە، حالىققا ەكپە ەگۋ جانە مالدى جەم-شوپپەن قامتاماسىز ەتۋ ماسەلەلەرى جونىندە باياندادى.

مەملەكەت باسشىسى وبلىس تۇرعىندارىنا ەكپە سالۋ قارقىنىن ارتتىرۋ جونىندەگى جۇمىستاردى كۇشەيتۋدى، سونداي-اق، ەڭبەك داۋلارىن رەتتەۋ جانە بولدىرماۋ، ءوندىرىس ورىندارى مەن مۇناي كاسىپورىندارىنا قىزمەت كورسەتەتىن مەكەمە جۇمىسشىلارىنا الەۋمەتتىك قولايلى جاعدايدى قامتاماسىز ەتۋ شارالارىن قابىلداۋدى تاپسىردى.

سونىمەن قاتار پرەزيدەنت ۇكىمەتكە اكىمدىكپەن بىرلەسىپ، قۋاڭشىلىق سالدارىنا جانە جايىلىمدىق جەرلەردەگى ءشوپتىڭ تاپشىلىعىنا بايلانىستى قالىپتاسقان جاعداي بويىنشا فەرمەرلەر مەن اۋىل تۇرعىندارىن قولداۋ ءۇشىن قاجەتتى شارالار قابىلداۋدى تاپسىردى.

قىزىلوردا وبلىسىنىڭ اكىمى گۇلشارا ءابدىقالىقوۆا مەملەكەت باسشىسىنا كوروناۆيرۋس ىندەتىمەن كۇرەستە جۇرگىزىلىپ جاتقان جۇمىستار تۋرالى ەسەپ بەردى.

وڭىردەگى ۆاكسينا سالدىرۋعا ءتيىستى تۇرعىنداردىڭ 52 پايىزى ەكپە الدى. سونىمەن قاتار وبلىس اكىمى ايماقتاعى سۋ شارۋاشىلىعىنا قاتىستى جاعدايدى دا باياندادى. بۇگىندە سىرداريا وزەنى ارقىلى وبلىسقا سەكۋندىنا 550 تەكشە مەتر سۋ كەلۋدە. شارۋاشىلىق سۋبەكتىلەرىنە سۋ بەرۋ كەزەگى مەن ونىڭ كولەمىن انىقتايتىن جۇمىس كوميسسياسى قۇرىلدى.

وبلىس اكىمىنىڭ ايتۋىنشا، ارال اۋدانىندا 12- شىلدەدە توتەنشە جاعداي جاريالانعان. وسىعان بايلانىستى ۇكىمەت رەزەرۆىنەن جانە وبلىستىق بيۋدجەتتەن جەم-ءشوپ سۋبسيدياسىنا، سونداي-اق، سۋ ارنالارىن تازارتۋعا جانە ۇڭعىمالار قازۋعا قارجى ءبولۋ تۋرالى شەشىم قابىلدانعان.

مەملەكەت باسشىسى قىزىلوردا وبلىسىنىڭ اكىمىنە حالىقتى ۆاكسينالاۋعا قاتىستى اقپاراتتىق-ءتۇسىندىرۋ جۇمىستارىن كۇشەيتۋدى، مۇناي-گاز سالاسىنداعى پروبلەمالاردى شەشۋ ءۇشىن كەشەندى امال قاراستىرۋدى، سونداي-اق، قىزىلوردا وبلىسىنا قاراستى اۋداندارداعى زارداپ شەككەن شارۋاشىلىق سۋبەكتىلەرىنە جەم-ءشوپ دايىنداۋدى قامتاماسىز ەتۋدى تاپسىردى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات