+7 (701) 759 90 19
30 °С : نۇر-سۇلتان
31 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

پاندەميا تاۋەلسىزدىك تويىنا كوپتەگەن تۇزەتۋ ەنگىزدى - داۋرەن بابامۇراتوۆ

21 شىلدە 18:14
:ءبولىسۋ
پاندەميا تاۋەلسىزدىك تويىنا كوپتەگەن تۇزەتۋ ەنگىزدى - داۋرەن بابامۇراتوۆ

نۇر-سۇلتان. قازاقپارات - پاندەميا نۇر-سۇلتان قالاسىندا تاۋەلسىزدىكتىڭ 30 جىلدىعىنا ارناپ وتكىزىلەتىن شارالاردىڭ فورماتىن وزگەرتىپ، اۋقىمىن تارىلتۋدا، دەپ حابارلايدى قازاقپارات ءتىلشىسى.

قالالىق ىشكى ساياسات باسقارماسىنىڭ باسشىسى داۋرەن بابامۇراتوۆتىڭ ايتۋىنشا، بيىل تاۋەلسىزدىك مەرەيتويى اياسىندا ەلوردادا 800 دەن استام شارا وتكىزۋ جوسپارلانعان ەكەن.

بۇگىندە سونىڭ جارتىسىنا جۋىعى ىسكە اسقانىمەن، و باستاعى اۋقىمى مەن فورماتىنا تۇزەتۋلەر ەنگەن. ونىڭ بارىنە پاندەميامەن بايلانىستى شەكتەۋلەر سەبەپكەر.

«پاندەميا تاۋەلسىزدىك تويىنا ءسوزسىز اسەر ەتتى. وكىنىشكە قاراي، قاتاڭ سانيتارلىق تالاپتار بويىنشا جانە ەلوردانىڭ «قىزىل» ايماقتا بولۋىنا بايلانىستى جابىق عيماراتتىڭ ىشىندە ءوتۋى جوسپارلانعان، اسا ماڭىزدى كوپتەگەن ءىس-شارانى ونلاين فورماتتا وتكىزۋگە ءماجبۇر بولىپ وتىرمىز. بۇعان دەيىن دە ءبىرشاما شارانىڭ كولەمىن ازايتىپ، قاتىسۋشىلار سانىن شەكتەگەن بولاتىنبىز. احۋال وسىلاي جالعاساتىن بولسا، كوپتەگەن جوسپارعا تۇزەتۋلەر ەنگىزەتىنىمىز ءسوزسىز»، - دەدى اكىمدىك وكىلى.

ونىڭ ايتۋىنشا، تاۋەلسىزدىكتىڭ 30 جىلدىعىنا ارنالعان «قايىرىمدى ىستەر مارافونى» اياسىندا ەلوردالىقتارعا 10 مىڭنان استام ازىق-تۇلىك سەبەتى تاراتىلعان .

«تاۋەلسىزدىكتىڭ 30 جىلدىعى اياسىندا نۇر-سۇلتان قالاسىندا 300 دەن استام شارا وتكىزىلدى. بۇل شارالار 66 مىڭنان استام ادامدى قامتىپ، اتاۋلى كومەك پەن قولداۋ كورسەتىلدى.

«قايىرىمدى ىستەر مارافونى» ۇرانىمەن وتكەن شارالار اياسىندا اكىمدىك قىزمەتكەرلەرى مەن ەرىكتىلەر، قازاقستان حالقى اسسامبلەياسىنىڭ قالالىق بولىمشەسىنىڭ وكىلدەرى مەن بيزنەسمەندەر جارتى جىلدىڭ ىشىندە 10 مىڭنان استام ازىق-تۇلىك سەبەتىن تاراتتى»، - دەدى اكىمدىك وكىلى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات