توكيوداعى وليمپيادا ويىندارى توقتاتىلۋى مۇمكىن
توكيوداعى وليمپيادا ويىندارىن ۇيىمداستىرۋ كوميتەتىنىڭ باسشىسى توسيرو مۋتو سەيسەنبىدە قاتىسۋشىلار اراسىندا كوروناۆيرۋستىق ينفەكسيالار سانى كۇرت كوبەيىپ كەتسە، وليمپيادا ويىندارىنىڭ توقتاتىلۋى مۇمكىن ەكەنىن جاسىرمادى.
سپورتشىلار مەن دەلەگاتسيا مۇشەلەرىندە كوروناۆيرۋس ينفەكسياسى انىقتالعاننان كەيىن، دەمەۋشىلەر جۇما كۇنى وليمپيادا ويىندارىنىڭ اشىلۋ سالتاناتىنا قاتىسۋدان باس تارتقان. قانشا ادام كوروناۆيرۋس جۇقتىراتىنىن بولجاي المايمىز. ەگەر ونداي جاعداي بولسا، نە ىستەۋ كەرەگىن ويلانىپ، اقىلداسامىز، - دەدى مۋتو.
كەيىنىرەك توكيو-2020 وكىلى وليمپيادا ۇيىمداستىرۋشىلارى «% 100 ويىندى ويداعىداي وتكىزۋگە باعىتتالعان» دەپ سەندىردى. ويىنداردى ۇيىمداستىرۋ كوميتەتى وسى ايدىڭ باسىنان باستاپ وليمپياداعا قاتىسى بار ادامدار اراسىندا ينفەكسيانىڭ 79 جاعدايى تۋرالى حابارلادى. ال كەيىنگى 24 ساعاتتىڭ وزىندە سپورتشىلار اراسىندا كوروناۆيرۋس جۇقتىرعان 10 ادام انىقتالعان. بۇعان دەيىن وليمپيادا ويىندارىنىڭ 26-سى كورەرمەنمەن، قالعان 724- ءى بوس تريبۋنادا وتەتىنى حابارلانعان. ەسكە سالايىق، توكيوداعى وليمپيادا ويىندارى پاندەمياعا بايلانىستى ءبىر جىلعا شەگەرىلگەن بولاتىن. بيىل ويىن 23 - شىلدە مەن 8 -تامىز ارالىعىندا وتەدى.