قازاقستان ب ۇ ۇ- دا بايانداما جاساۋدى جوسپارلاۋدا

None
None
نۇر- سۇلتان. قازاقپارات - اقپارات جانە قوعامدىق دامۋ مينيسترلىگىندە «ناسىلدىك كەمسىتۋشىلىكتىڭ بارلىق نىساندارىن جويۋ تۋرالى حالىقارالىق كونۆەنتسيانى قازاقستان رەسپۋبليكاسىنىڭ ورىنداۋى تۋرالى سەگىزىنشى- ونىنشى جيىنتىق مەرزىمدى باياندامانى» قورعاۋعا دايىندالۋ جونىندەگى جۇمىس توبىنىڭ وتىرىسى ءوتتى، دەپ حابارلايدى قازاقپارات.

وتىرىسقا جۇمىس توبىنىڭ مۇشەلەرى، مۇددەلى مەملەكەتتىك ورگاندار مەن ۇيىمداردىڭ وكىلدەرى جانە ب ۇ ۇ د ب قازاقستانداعى وكىلى قاتىستى. ايتا كەتسەك، پاندەمياعا بايلانىستى قازاقستاننىڭ ب ۇ ۇ ناسىلدىك كەمسىتۋشىلىكتى جويۋ جونىندەگى كوميتەتىندە بايانداما جاساۋ مەرزىمى وزگەرتىلىپ، 2022 -جىلى جەنيەۆادا وتكىزۋ جوسپارلانعان بولاتىن. ءىس - شارا بارىسىندا جۇمىس توبىنىڭ جەتەكشىسى - اقپارات جانە قوعامدىق دامۋ ۆيتسە- ءمينيسترى سەرىك ەگىزبايەۆ كەڭەسكە قاتىسۋشىلاردى ب ۇ ۇ ناسىلدىك كەمسىتۋشىلىكتى جويۋ جونىندەگى كوميتەتىنىڭ بايانداما مازمۇنىنا قاتىستى كوممەنتارييلەرىن قايتا تالقىلاۋعا شاقىردى.

«ب ۇ ۇ كوميتەتى ۇسىنىمدارىنىڭ باسىم بولىگىن قازاقستان ورىندادى. سونىمەن قاتار، مۇقيات زەرتتەۋدى قاجەت ەتەتىن بىرنەشە ۇسىنىستار بار، مىسالى، ديسكريميناتسياعا قارسى جەكە زاڭنامانى ازىرلەۋ. بۇل ماسەلە ءتۇرلى ەلدەردىڭ تاجىريبەسى ارقىلى ودان ءارى بىرلەسكەن زەرتتەۋدى تالاپ ەتەدى»، - دەدى س. ەگىزبايەۆ.

سونىمەن قاتار ب ۇ ۇ د ب- نىڭ قازاقستانداعى شاقىرىلعان ۇلتتىق ساراپشىسى ب ۇ ۇ كوميتەتىنىڭ قورىتىندى ەسكەرتۋلەرىن جويۋ بويىنشا مۇددەلى مەملەكەتتىك ورگاندارمەن جانە ۇيىمدارمەن جۇرگىزىلىپ جاتقان جۇمىستار تۋرالى ايتىپ بەردى.

ەستەرىڭىزگە سالا كەتەيىك، 1998 -جىلى قازاقستان ناسىلدىك كەمسىتۋشىلىكتىڭ بارلىق نىساندارىن جويۋ تۋرالى حالىقارالىق كونۆەنتسيانى راتيفيكاتسيالاعان بولاتىن. كونۆەنتسيا نورمالارىن ورىنداۋ شەڭبەرىندە ق ر ۇكىمەتىنىڭ قاۋلىسىمەن «ناسىلدىك كەمسىتۋشىلىكتىڭ بارلىق نىساندارىن جويۋ تۋرالى حالىقارالىق كونۆەنتسيانى قازاقستان رەسپۋبليكاسىنىڭ ورىنداۋى تۋرالى سەگىزىنشى- ونىنشى جيىنتىق مەرزىمدى بايانداماسى» بەكىتىلگەن.

بايانداما ق ر اقپارات جانە قوعامدىق دامۋ مينيسترلىگى جانىنداعى ۆەدومستۆوارالىق جۇمىس توبى بارلىق مۇددەلى مەملەكەتتىك ورگانداردىڭ قاتىسۋىمەن ازىرلەنىپ، 2014-2017 -جىلدار ارالىعىنداعى ەسەپتىك كەزەڭدە قازاقستاننىڭ كونۆەنتسيا باپتارىن ىسكە اسىرۋى جونىندە اقپارات قامتىلعان.


سوڭعى جاڭالىقتار