ۇكىمەت باسشىسى ماڭعىستاۋ وبلىسىنداعى فەرمەرلەرگە كومەك كورسەتۋدى تاپسىردى
بۇل تۋرالى قازاقپارات primeminister.kz سايتىنا سىلتەمە جاساپ حابارلايدى. پرەمەر- مينيسترگە اسا زارداپ شەككەن ماڭعىستاۋ، بەينەۋ، قاراقيا اۋداندارىن جەم- شوپپەن قامتاماسىز ەتۋ بويىنشا اتقارىلىپ جاتقان جۇمىستار تۋرالى باياندالدى. اقتوبە، باتىس قازاقستان جانە قوستاناي سەكىلدى كورشىلەس وبلىستاردان ءشوپ جەتكىزۋ جانە وتكىزۋ جۇمىستارى جولعا قويىلعان.
«ازىق- تۇلىك كەلىسىمشارت كورپوراتسياسى» ۇ ك» ا ق- مەن جاسالعان كەلىسىمشارت اياسىندا 1200 توننادان استام ارپا اكەلىندى، ولار فەرمەرلەرگە نارىقتىق باعادان تومەن باعامەن ساتىلدى. سونداي- اق وڭىردە مال باسىن تۇگەندەۋ بويىنشا ارنايى كوميسسيا جۇمىس جاساپ جاتىر.
فەرمەرلىك شارۋاشىلىقتاردى جەم- شوپپەن قامتاماسىز ەتۋ جونىندەگى ماسەلەلەردى جەدەل شەشۋ جانە مونيتورينگ جاساۋ جونىندەگى رەسپۋبليكالىق شتابتىڭ قاراۋ قورىتىندىسى بويىنشا ق ر ۇكىمەتى ماڭعىستاۋ وبلىسىندا مالدىڭ انالىق باسىنا ارنالعان ازىققا جۇمسالعان شىعىنداردى ءىشىنارا وتەۋگە 1,9 ميلليارد تەڭگە ءبولدى.
پرەمەر- ءمينيستردىڭ تاپسىرماسى بويىنشا فەرمەرلىك شارۋاشىلىقتارعا قولجەتىمدى باعامەن كولەمى 114,7 مىڭ توننا دايىندالعان ءشوپتى ساتىپ الۋ جانە جەتكىزۋ ءۇشىن تۇراقتاندىرۋ قورىن قالىپتاستىرۋعا، سونداي- اق «ازىق- تۇلىك كەلىسىمشارت كورپوراتسياسى» ۇ ك» ا ق ارقىلى كولەمى 56,3 مىڭ توننا جەم- ءشوپ (كەبەك) ساتىپ الۋعا قوسىمشا قاجەتتى قاراجات بولىنەتىن بولادى.