بەلگىلى كارديوحيرۋرگ سەرىك بەكبوسىنوۆ ومىردەن وزدى
قايعىلى حابار كارديوحيرۋرگيا ورتالىعىنىڭ Facebook-تەگى پاراقشاسىندا جاريالاندى.
ورتالىق مالىمەتى بويىنشا، سەرىك تەمىرحان ۇلى - №2 كارديوحيرۋرگيا بولىمشەسىنىڭ مەڭگەرۋشىسى جانە جۇرەك- قان تامىرلارى حيرۋرگياسى سالاسىنداعى ۇزدىك مامانداردىڭ ءبىرى بولدى.
«سەرىك تەمىرحان ۇلى ۇزاق ۋاقىت بويى دەنساۋلىعىنا شاعىمدانىپ، ارتەريالىق گيپەرتونيا، 2 ءتيپتى قانت ديابەتىمەن كۇرەسكەن. انىقتالماعان سەبەپتەر بويىنشا، 2021 -جىلعى 18-شىلدە، جەكسەنبى كۇنى سەرىك تەمىرحان ۇلىنىڭ جۇرەگى توقتاپ قالدى. ول جەدەل جاردەم كولىگىمەن ۇيدەن «ۇلتتىق عىلىمي كارديوحيرۋرگيا ورتالىعى» ك ە ا ق- عا جەتكىزىلدى. ۇزاق رەانيماتسيالىق شارالار جۇرگىزىلىپ، ونى ەكسمو اپپاراتىنا قوسۋ قاجەت بولدى. جاعداي قان كەتۋمەن كۇردەلەنە ءتۇستى. سەرىك تەمىرحان ۇلىنا قان كوپ قاجەت بولدى. ونىمەن قان ورتالىعى قامتاماسىز ەتكەن. قان ورتالىعىنىڭ قورىن تولىقتىرۋ ءۇشىن تۋىستارى قان تاپسىرۋ تۋرالى حابارلاما تاراتتى.
بۇگىن، 2021 -جىلدىڭ 20-شىلدەسىندە سەرىك تەمىرحان ۇلى قايتادان جۇرەك ۇستاماسىنا ۇشىراپ، قايتىس بولدى»، دەلىنگەن حابارلامادا.
ول جۇرەكتىڭ جاساندى سول قارىنشاسىن يمپلانتاتسيالاۋ بويىنشا وپەراتسيا جاساعان الەمدەگى ەڭ جاس كارديوحيرۋرگ رەتىندە قازاقستان كارديولوگتارى قاۋىمداستىعىمەن ماراپاتتالعان.
«دەنساۋلىق ساقتاۋ ىسىنە قوسقان ۇلەسى ءۇشىن» بەلگىسىمەن جانە ۇلتتىق ناگرادا - «ەرەن ەڭبەگى ءۇشىن» مەدالىمەن ماراپاتتالعان.
«ارىپتەستەر مەن ەمدەلۋشىلەر ونى مەيىرىمدىلىك پەن كاسىبيلىگى ءۇشىن جاقسى كوردى جانە قۇرمەتتەدى. جۇرەك ورتالىعىنىڭ ۇجىمى سەرىك تەمىرحان ۇلىنىڭ تۋعان-تۋىستارىنا، جاقىندارى مەن دوستارىنا شىن جۇرەكتەن كوڭىل ايتادى. ول تۋرالى جارقىن ەستەلىكتەر ءبىزدىڭ جۇرەگىمىزدە ماڭگى قالادى»، دەپ جازىلعان حابارلامادا.