+7 (701) 759 90 19
29 °С : نۇر-سۇلتان
29 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

قازاقستانداعى تاعى ءبىر ۋنيۆەرسيتەت ليتسەنزياسىنان ايىرىلۋى مۇمكىن

21 شىلدە 11:54
:ءبولىسۋ
قازاقستانداعى تاعى ءبىر ۋنيۆەرسيتەت ليتسەنزياسىنان ايىرىلۋى مۇمكىن

نۇر-سۇلتان. قازاقپارات - شەت تىلدەر جانە ىسكەرلىك كارەرا ۋنيۆەرسيتەتى باس ليتسەنزيادان ايىرىلۋ الدىندا تۇر.

ق ر ب ع م ءبىلىم جانە عىلىم سالاسىنداعى ساپانى قامتاماسىز ەتۋ كوميتەتىنىڭ قايتا تەكسەرۋ جۇمىستارى وسىنداي ناتيجە كورسەتتى.

بۇرىن جوعارى وقۋ ورنىندا پروفيلاكتيكالىق باقىلاۋ جۇرگىزىلدى. ناتيجەسىندە، تەكسەرۋ پاراعىنىڭ 39-شى جانە 46-تارماعى بويىنشا بۇزۋشىلىقتار انىقتالدى. ۋنيۆەرسيتەتكە سايكەسسىزدىكتەردى جويۋ ءۇشىن ۋاقىت بەرىلدى، الايدا قايتا تەكسەرۋ جۇمىستارى جوعارى وقۋ ورنى ءبىلىم بەرۋ قىزمەتىنىڭ ساپاسىن جاقسارتۋ ءۇشىن قاجەتتى جۇمىستى جۇرگىزبەگەنىن كورسەتتى.

«ءبىز ەلىمىزدە ءبىلىم بەرۋ ساپاسى مەن كادرلار دايارلاۋدى جاقسارتۋ ءۇشىن جوعارى وقۋ ورىندارىندا تەكسەرۋلەر جۇرگىزەمىز. ەگەر ۋنيۆەرسيتەتتەر قاجەتتى تالاپتارعا ساي بولماسا، وندا ەرتەڭ ءبىلىمى مەن بىلىكتىلىگى تومەن، ەڭبەك نارىعىنا جۇمىس بەرۋشىلەردىڭ سۇرانىستارىنا سايكەس كەلمەيتىن ماماندار شىعادى. بۇل رەتتە جوعارى وقۋ ورىندارىنا بۇزۋشىلىقتاردى جويۋعا ۋاقىت بەرەمىز، الايدا ولار كەمشىلىكتەرمەن جۇمىس جۇرگىزبەيدى. وسىعان بايلانىستى كەيىنىرەك قاتاڭ شارالار قولدانۋعا تۋرا كەلەدى. ۋنيۆەرسيتەتتەردىڭ وقۋ جاعدايلارىن، ءبىلىم بەرۋ باعدارلامالارىن جانە تۇتاستاي العاندا، ستۋدەنتتەردى بەلگىلى ءبىر ماماندىقتارعا وقىتۋعا دەگەن كوزقاراسىن جاقسارتۋى ءۇشىن بۇل وتە ماڭىزدى. ايتپەسە، جوعارى وقۋ ورىندارى ساپالى ءبىلىم ەمەس، تەك ديپلومدار بەرەتىن بولادى. مىسالى، شەت تىلدەر جانە ىسكەرلىك كارەرا ۋنيۆەرسيتەتىندە ءبىلىم بەرۋ ساپاسىن قامتاماسىز ەتۋدىڭ ىشكى جۇيەسى قالىپتاسپاعان. ءبىلىم بەرۋ باعدارلامالارىن، جەكە وقۋ جوسپارلارىن تالداۋ بەلگىلى ءبىر پاندەر بويىنشا كرەديتتەردى يگەرۋدە ۇلكەن ايىرماشىلىقتاردى كورسەتتى. تيىسىنشە، ءبىلىم الۋشىلار پاندەردى تولىق كولەمدە مەڭگەرمەيدى. وقىتۋ ناتيجەلەرى بويىنشا ستۋدەنتتەردىڭ % 90 ى شەكتى دەڭگەيدەن وتە المادى. وقۋ پروتسەسىندە ءتىپتى ەڭ تومەنگى بەلگىلەنگەن تالاپتارعا سايكەس كەلمەيتىن ەسكىرگەن كومپيۋتەرلەر قولدانىلادى. بەيىندىك ماگيستراتۋرا تۇلەگىنە عىلىمي- پەداگوگيكالىق باعىتتاعى ماگيستر دارەجەسىن بەرۋ بويىنشا بۇزۋشىلىقتار دا انىقتالدى. مەملەكەتتىك اتتەستاتتاۋ كوميسسياسىنىڭ شەشىمىمەن ءبىر جىلدىق ماگيستراتۋرا تۇلەگىنە ەكى جىلدىق ماگيستر دارەجەسى بەرىلدى. بۇلار جوعارى وقۋ ورنىندا انىقتالعان بۇزۋشىلىقتاردىڭ از عانا بولىگى»، - دەدى ق ر ب ع م ءبىلىم جانە عىلىم سالاسىنداعى ساپانى قامتاماسىز ەتۋ كوميتەتىنىڭ باسقارما باسشىسى ەلۆيرا ساپاربەكوۆا.

انىقتالعان بۇزۋشىلىقتارعا بايلانىستى كوميتەت شەت تىلدەر جانە ىسكەرلىك كارەرا ۋنيۆەرسيتەتى ليتسەنزياسىنىڭ قولدانىلۋىن توقتاتتى. بۇدان ءارى باس ليتسەنزيادان ايىرۋ جانە جوعارى وقۋ ورنىن جابۋ بويىنشا جۇمىس جۇرگىزىلەتىن بولادى.

زاڭناماعا سايكەس ليتسەنزيانىڭ قولدانىلۋى توقتاتىلا تۇرعان جاعدايدا ستۋدەنتتەر ۋنيۆەرسيتەتتىڭ انىقتالعان بۇزۋشىلىقتاردى جويۋىن كۇتپەي- اق، باسقا جوعارى وقۋ ورىندارىنا اۋىسا الادى.

تالاپكەرلەردى وقۋعا ءتۇسۋ ءۇشىن جوعارى وقۋ ورىندارىن تاڭداۋدا جاۋاپكەرشىلىكپەن قاراۋعا شاقىرامىز.

ەسكە سالساق، بۇعان دەيىن شىمكەنتتە ەكى ۋنيۆەرسيتەت باس ليتسەنزياسىنان ايىرىلىپ، جابىلدى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات