ءوزىن پوليتسيا قىزمەتكەرى دەپ تانىستىرعان ازامات الماتىلىقتاردى تونادى

الماتى. قازاقپارات - بۇرىن سوتتالعان تارازدىڭ 20 جاستاعى تۇرعىنى الماتىدا ءوزىن پوليتسيا قىزمەتكەرى رەتىندە تانىستىرىپ، ءوتىپ بارا جاتقان ادامداردى توناعان، دەپ حابارلايدى قازاقپارات ءتىلشىسى.

«ش» ەسىمدى ازامات بۇرىن توناۋشىلىق جاساعانى ءۇشىن سوتتالعان. بۇل جولى قىلمىس ءادىسى ءبىرشاما وزگەرگەن. ەندى ول ءوزىن پوليتسيا قىزمەتكەرى رەتىندە تانىستىرىپ، جولاۋشىلاردى توناعان. ول ۇستالدى. ودان پوليتسيا فورماسى تاركىلەندى، كيىمدى بازاردان ساتىپ العان. «ش» ەسىمدى ازاماتتىڭ ارەكەتى ق ر ق ك 191-بابىنىڭ 3-تارماعى بويىنشا باعالاندى. كۇدىكتى الماتى اۋماعىندا جانە الماتى وبلىسىنىڭ شەكارالاس اۋداندارىندا جاسالعان باسقا دا اشىلماعان قىلمىستارعا قاتىسى بار-جوعى تەكسەرىلۋدە»، - دەدى مەدەۋ اۋداندىق پوليتسيا باسقارماسىنىڭ باسشىسى داۋرەن وتەبايەۆ.