رۋحيا بايدۇكەندى جانكۇيەرلەرى ەلوردا اۋەجايىنان كۇتىپ الدى

نۇر-سۇلتان. قازاقپارات - بۇگىن تۇندە ەلوردا اۋەجايىندا «ۆيتەبسكىدەگى سلاۆيان بازارى» حالىقارالىق بايقاۋىنىڭ جەڭىمپازى رۋحيا بايدۇكەندى جانكۇيەرلەرى كۇتىپ الدى، دەپ حابارلايدى قازاقپارات ءتىلشىسى.

«قازاق حالقىنا العىسىمدى ايتامىن. ەڭ باستىسى، حالقىڭنىڭ ماحابباتىن سەزىنۋ، ەلىڭنىڭ سەنى مويىنداۋى ەمەس پە؟ جەڭىسىمدى حالقىممەن بىرگە تويلاعىم كەلەدى. بالا كەزىمنەن بەرگى ارمانىم ەدى بۇل. بۇگىن العا قويعان ماقساتىما جەتتىم»، - دەدى رۋحيا بايدۇكەن ەلوردا اۋەجايىندا.

بۇعان دەيىن حابارلاعانىمىزداي، رۋحيا بايدۇكەن ءوز جەڭىسىن قازاق ەلىنە ارنايتىنىن ايتتى.

ايتا كەتەيىك ، 14 مەملەكەتتەن كەلگەن قاتىسۋشى سلاۆيان ەلىنەن شىققان كومپوزيتوردىڭ تۋىندىسىن سلاۆيان توبىنا جاتاتىن ءتىلدىڭ بىرىندە وركەستردىڭ سۇيەمەلدەۋىمەن ورىندادى. بايقاۋ ناتيجەسىندە جەرلەسىمىز گران- پري يەگەرى اتانىپ، «التىن ليرا» مۇسىنشەسىمەن بىرگە 20 مىڭ ا ق ش دوللارىنا يە بولدى.

بايقاۋ جەڭىمپازى رۋحيا بايدۇكەندى مەملەكەت باسشىسى قاسىم-جومارت توقايەۆ ارنايى قۇتتىقتادى.

ودان بولەك، جاس ءانشىنى جەڭىسىمەن ەلىمىزدىڭ مادەنيەت جانە سپورت ءمينيسترى اقتوتى رايىمقۇلوۆا دا قۇتتىقتادى.

«بايقاۋعا جالعىز ءوزىم باردىم. الدىمەن بەلارۋس استاناسى مينسكىدە پرەزيدەنت وركەسترىمەن دايىندىق وتكىزدىك، سوسىن ۆيتەبسكىگە باردىق. بايقاۋ ەكى كۇنگە سوزىلدى، جەڭىسكە جەتەتىنىمە العاشىندا كۇمانداندىم، سەبەبى قارسىلاستارىم مىقتى بولدى. دەگەنمەن بارىنشا وزىمە سەنىمدىلىك تانىتتىم»، - دەيدى ول.

اۆتور: گۇلزات اقجولوۆا