ەلوردا اۋماعىنان زاڭسىز توگىلگەن قوقىس كورسەڭىز، قايدا حابارلاسۋ كەرەك؟
بۇل تۋرالى نۇر-سۇلتان قالاسى اكىمدىگىنىڭ باسپا ءسوز قىزمەتى اقپارات تاراتتى.
رەسمي مالىمەتكە سۇيەنسەك، ساياباقتار مەن گۇلزارلاردىڭ، مەشىتتەر مەن اۆتوبۋس ايالدامالارىنىڭ، ۆوكزالداردىڭ اۋماعىنا ورناتىلعان كامەرالار اسىرەسە زاڭسىز قوقىس توگۋ فاكتىلەرىن ءجيى اشكەرەلەيتىن كورىنەدى.
«قالالىق پوليتسيا دەپارتامەنتى ەكولوگيالىق پوليتسيا بولىمىمەن بىرلەسە وتىرىپ، ستيحيالىق ورىندارعا قوقىس شىعارۋدىڭ 30 دان استام فاكتىسى انىقتادى. جىل باسىنان بەرى 22,8 ميلليون تەڭگەدەن استام سوماعا 1500 دەن استام اكىمشىلىك قۇقىق بۇزۋشىلىق انىقتالىپ، راسىمدەلدى. سونىمەن قاتار، iKOMEK سيتۋاتسيالىق ورتالىعى 76 قىلمىستى اشۋعا كومەكتەستى»، - دەلىنگەن اكىمدىكتىڭ اقپاراتىندا.
جىل باسىنان بەرى iKOMEK بەينەباقىلاۋ وپەراتورلارى تۇرعىن ءۇي-كوممۋنالدىق شارۋاشىلىق سالاسىندا 5830 بۇزۋشىلىق فاكتىسىن انىقتاعان.
iKOMEK قالالىق ورتالىعىنىڭ باسشىسى جاننات ءدۇبىروۆا قالاداعى زاڭعا قايشى ارەكەتكە كۋا بولعان ازاماتتار iKOMEK ورتالىعىنا مىناداي جولدارمەن حابارلاسا الاتىنىن ايتادى.
1. اكىمدىكتىڭ رەسمي سايتى: astana.gov.kz
2. Telegram چات- بوتى (t.me/nursultanikomek109_bot)؛
3. IKOMEK109 (PlayMarket/AppStore) موبيلدى قوسىمشاسى؛
4. Smart Astana (PlayMarket/AppStore) موبيلدى قوسىمشاسى.