پرەزيدەنت ستيپەندياسى قاي وقۋ ورىندارىنا بەرىلەدى؟

نۇر-سۇلتان. قازاقپارات - ءبىلىم جانە عىلىم ءمينيسترىنىڭ قازاقستان رەسپۋبليكاسى پرەزيدەنتىنىڭ 2021-جىلعا ارنالعان ستيپەندياسىن جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارى اراسىندا ءبولۋ تۋرالى بۇيرىعى جاريالاندى، دەپ حابارلايدى قازاقپارات ءتىلشىسى.

رەسپۋبليكا بويىنشا بولىنگەن پرەزيدەنت ستيپەندياسىنىڭ جيىنتىق سانى - 926. ونىڭ 919 ى ستۋدەنتتەرگە، جەتەۋى ماگيسترانتتارعا بولىنگەن.

ستيپەنديا ەلدەگى 35 وقۋ ورنىنا ۇلەستىرىلىپ وتىر. ولاردىڭ اراسىندا ءال-فارابي اتىنداعى قازاق ۇلتتىق ۋنيۆەرسيتەتىنە - 105، ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىنە - 100، م. ح. دۋلاتي اتىنداعى تاراز مەملەكەتتىك ۋنيۆەرسيتەتىنە - 75، م. اۋەزوۆ اتىنداعى وڭتۇستىك قازاقستان مەلەكەتتىك ۋنيۆەرسيتەتىنە - 67، اباي اتىنداعى قازاق ۇلتتىق پەداگوگيكالىق ۋنيۆەرسيتەتى مەن ە. ا. بوكەتوۆ اتىنداعى قاراعاندى ۋنيۆەرسيتەتىنە 55 ستيپەنديادان بەرىلگەن.

ستيەنديالاردىڭ تولىق ءتىزىمىن مىنا سىلتەمەدەن كورۋگە بولادى.