قازاقستاندا كارتوپ پەن ءسابىز قاشان ارزاندايدى
«ءسابىز ماسەلەسىنە كەلسەك، كورشىلەس وزبەكستاندا دا وسىنداي پروبلەما بولدى. شىن مانىندە، بىزدە قالىپتاسقان باعانىڭ ءبىر بولىگى ءبىزدىڭ يمپورتتاۋىمىزدان پايدا بولدى، ويتكەنى كورشى وزبەكستان دا، كورشى رەسەي فەدەراتسياسى دا سۇرانىس تۋدىردى. قازىرگى ۋاقىتتا كارتوپتىڭ باعاسى وزگەرگەنىن جانە ارزانداپ جاتقانىن كورىپ وتىرمىز. كۇزدە دە ايتارلىقتاي بارنەشە ەسەگە تومەندەيدى دەپ كۇتەمىز»، - دەدى ساۋدا ءمينيسترى ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
ونىڭ ايتۋىنشا، ءسابىز بويىنشا دا وسىنداي جاعداي بايقالادى. «ءبىراق بيىل ءسابىز بويىنشا ءونىم جەتىسپەۋشىلىگى بارلىق جەردە بايقالادى، وعان ەگىس القاپتارىنىڭ قىسقارۋى سەبەپ بولدى»، - دەپ تولىقتىردى باقىت سۇلتانوۆ.
ايتا كەتەيىك، ق ر ساۋدا جانە ينتەگراتسيا ءمينيسترى باقىت سۇلتانوۆ حالىق الدىنداعى ەسەپتىك كەزدەسۋىنىڭ قورىتىندىسى بويىنشا ونلاين باسپا ءسوز كونفەرەنتسياسىن وتكىزىپ جاتىر.
اۆتور: ايجان سەرىكجان قىزى