ەلوردادا جاپپاي توبەلەس بولىپ، تۇنگى كلۋب يەسى جاۋاپقا تارتىلدى

نۇر-سۇلتان. قازاقپارات - ەلورداداعى توپتىق توبەلەس بولعان تۇنگى كلۋب يەسى جاۋاپقا تارتىلدى، دەپ حابارلايدى قازاقپارات ءتىلشىسى.

وقيعا تاڭعى ساعات 05:15 تە قابانباي باتىر داڭعىلىندا ورنالاسقان BaoBao تۇنگى كلۋبىنىڭ الدىندا بولعان.

«پاترۋلدىك پوليتسيا قىزمەتكەرلەرى توبەلەسكە قاتىسقانداردىڭ ءبارىن ۇستاپ، ەسىل اۋدانىنىڭ پوليتسياسىنا جەتكىزدى. جاستار سوزگە كەلىپ، سوڭى توبەلەسكە ۇلاسقانى انىقتالدى. ۇستالعانداردىڭ ءبارى ماس بولعان. ولاردىڭ ۇستىنەن قوعامدىق ءتارتىپتى بۇزعانى ءۇشىن اكىمشىلىك قۇقىق بۇزۋ تۋرالى كودەكستىڭ 440-بابى بويىنشا اكىمشىلىك ءىس قوزعالدى»، - دەپ جازادى دەپارتامەنتتىڭ باسپا ءسوز قىزمەتى.

ال توبەلەس فاكتىسى بويىنشا قىلمىستىق كودەكستىڭ 293-بابى بويىنشا قىلمىستىق ءىس قوزعالىپ، تەرگەۋ ءجۇرىپ جاتىر.

تۇنگى كلۋب يەسى كارانتين رەجيمىن بۇزعانى ءۇشىن اكىمشىلىك قۇقىق بۇزۋ تۋرالى كودەكستىڭ 425-بابى بويىنشا اكىمشىلىك جاۋاپكەرشىلىككە تارتىلدى.