الماتىدا قۇربان ايت قالاي ۇيىمداستىرىلادى؟

الماتى. قازاقپارات - الماتىنىڭ باس سانيتارلىق دارىگەرى جانداربەك بەكشين ونلاين بريفينگ بارىسىندا الداعى ايت كەزىندە قۇرباندىق شالۋ ءراسىمى قالاي وتەتىنىن ايتتى، دەپ حابارلايدى قازاقپارات ءتىلشىسى.

ونىڭ ايتۋىنشا، قۇربان ايت مەرەكەسى بىلتىرعى فورماتتا، ياعني ونلاين رەجيمدە وتەدى.

«بىلتىر ءبىز العاش رەت قۇربان ايتتى ونلاين رەجيمدە وتكىزدىك. وتكەن جىلدىڭ تاجىريبەسى ساداقانىڭ دا، قۇربان شالۋدىڭ دا بولعانىن كورسەتتى. ونلاين رەجيمىندە وتكىزۋگە بولادى. Qurban-2021 سايتى ارقىلى ساداقا، سونداي-اق «قۇربان شالۋدى» ۇيىمداستىرۋعا قاراجات تۇسەدى. قۇرباندىققا شالىنعان مال الماتى وبلىسىنىڭ قاراساي اۋدانىنداعى ارنايى ورىندا سويىلادى»، - دەدى ول.

«بىلتىر ءبارى ۇيىمداسقان تۇردە ءوتتى. ءدىن ىستەرى باسقارماسى، الماتى مۇفتيىمەن بىرلەسىپ، بىلتىرعى تاجىريبەنى تالقىلايمىز»، - دەدى قالانىڭ باس سانيتار دارىگەرى.

ايتا كەتەيىك، 2021-جىلى قۇربان ايت 20-22- شىلدە ارالىعىندا وتەدى. قۇربان ايت ورازا ايتتان 70 كۇننەن كەيىن باستالىپ، 3 كۇنگە سوزىلادى.