شەتەلدەگى قازاق بالالارىنا ارنالعان جازعى لاگەرلەر ۋاقىتشا توقتاتىلدى

نۇر- سۇلتان. قازاقپارات - پاندەمياعا بايلانىستى شەتەلدە تۇراتىن قازاق بالالارىنىڭ جازعى لاگەرلەرى ۋاقىتشا توقتاتىلدى.

بۇل تۋرالى «وتانداستار قورى» ك ە ا ق ۆيتسە- پرەزيدەنتى ماعاۋيا سارباسوۆ ايتتى، دەپ حابارلايدى قازاقپارات.

«پاندەمياعا دەيىن شەتەلدە تۇراتىن ەتنيكالىق قازاق بالالارىنا قازاقستاندا ءارتۇرلى جازعى لاگەرلەر (نازاربايەۆ زياتكەرلىك مەكتەپتەرى، بالداۋرەن، «تۋعان ەلگە ساياحات» بالالار تۋريستىك پويىزى»، «ZEREN» رەسپۋبليكالىق جازعى لاگەرى) ۇيىمداستىرىلاتىن. ونىڭ باسى- قاسىندا دۇنيەجۇزىلىك قازاقتار قاۋىمداستىعى جۇرەتىن. جالپى 2019 -جىلى شەتەلدەن 600 بالا قازاقستانعا جازعى لاگەرلەرگە كەلدى. ولار ەكى اپتادا دومبىرا ساباعىنا قاتىسىپ، قازاق ءتىلىن ۇيرەنىپ، اتاجۇرتىن كورىپ، كەرەمەت مارقايىپ قايتتى. ءبىراق، وكىنىشكە قاراي، 2020-2021 -جىلدارى پاندەمياعا بايلانىستى جوبالار ۋاقىتشا توقتاتىلدى. دەگەمەن، بۇل جوبالار الداعى ۋاقىتتا جالعاسادى دەگەن سەنىمدەمىز»، - دەدى م. سارباسوۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

ايتا كەتەيىك، «وتانداستار» قورى الەمنىڭ 12 ەلىندە قازاق ءتىلىن ۇيرەتەتىن 31 ونلاين سىنىپ اشقان. ونلاين سىنىپتار تەلەديدار، نوۋتبۋك، كامەرا، تاعى باسقا قاجەتتى زاماناۋي تەحنيكالارمەن قامتىلعان. شەت ەلدەردە 250 قازاق مادەني ورتالىعى جۇمىس ىستەيدى، «وتانداستار» قورى ونىڭ 71-ىمەن مەموراندۋم بەكىتكەن.

اۆتور: ايجان سەرىكجان قىزى