كەڭەس زامانىندا ءاربىر جەتىنشى سوتتالۋشى جازاسىن قازاقستاندا وتەگەن

نۇر- سۇلتان. قازاقپارات - ىشكى ىستەر مينيسترلىگى قىلمىستىق اتقارۋ جۇيەسى كوميتەتىنىڭ باسقارما باستىعى بيبىگۇل مۇڭايتپاسوۆا تاۋەلسىزدىكتىڭ العاشقى جىلدارىندا سالاداعى جاعداي قانداي بولعانىن ەسكە الدى، دەپ حابارلايدى قازاقپارات ءتىلشىسى.

«كەڭەس وداعىنداعى ءماجبۇرلى كوشى- قونعا، قۋعىن- سۇرگىن ساياساتىنا، تىڭ جەرلەردى يگەرۋدەگى تاريحي وقيعالارعا بايلانىستى قازاقستان ەڭبەكپەن تۇزەۋ كولونيالارىنىڭ شوعىرلانعان ورنىنا اينالدى. ءاربىر جەتىنشى سوتتالعان جازاسىن ءبىزدىڭ ەلدە وتەدى. تاۋەلسىزدىكتىڭ العاشقى جىلدارىندا تۇتقىنداردىڭ جان باسىنا شاققانداعى سانى بويىنشا الەمدە ا ق ش پەن رەسەيدەن كەيىن ءۇشىنشى ورىندا تۇردىق»، - دەدى بيبىگۇل مۇعايتپاسوۆا ۆەدومستۆونىڭ اقپارات الاڭىندا وتكەن ونلاين بريفينگىدە.

ول، سونداي- اق، توقسانىنشى جىلداردىڭ باسىندا ەلدەگى سوتتالۋشىلاردى قاجەتتى جاعدايدا ۇستاپ تۇرۋدىڭ ءوزى ۇلكەن پروبلەما بولعانىن ەسكە سالدى.

«تۇزەۋ مەكەمەلەرىندە ادام سانانىڭ شامادان تىس كوپ بولۋى، سوتتالعانداردى جاساقتارعا ۇستاۋ، گيگيەنالىق جاعدايلاردىڭ تومەندىگى، جۇقپالى اۋرۋلار مەن ءولىم- ءجىتىمنىڭ جوعارى بولۋى - بۇل تاۋەلسىزدىكتىڭ العاشقى جىلدارىندا شەشۋگە تۋرا كەلگەن نەگىزگى پروبلەمالار بولدى. سوندىقتان قىسقا مەرزىم ىشىندە پەنيتەنتسيارلىق جۇيەدەگى ماڭىزدى قۇقىقتىق جانە قۇرىلىمدىق رەفورمالار جۇرگىزىلىپ، ۇلتتىق زاڭناما جەتىلدىرىلدى. سونىڭ ارقاسىندا باس بوستاندىعىنان ايىرۋ ورىندارىندارىنداعى ادامدار سانى ازايىپ، الەم بويىنشا 3 - ورىننان 99 -ورىنعا ءتۇستى»، - دەدى كوميتەتتىڭ باسقارما باستىعى.

اۆتور: ەسىمجان ناقتىباي