نۇر-سۇلتاندا كينوتەاترلار مەن جاعاجايلار جابىلاتىن بولدى

نۇر-سۇلتان. قازاقپارات - ەلوردانىڭ باس سانيتار دارىگەرى سارحات بەيسەنوۆا نۇر-سۇلتان قالاسىندا كارانتين شارالارىن قاتاڭداتۋ تۋرالى جاڭا قاۋلى شىعاردى، دەپ حابارلايدى قازاقپارات.

قاۋلىدا مەيرامحانالار مەن ءدامحانالاردىڭ جۇمىسىنا قاتىستى وزگەرىستەر بار.

«مەيرامحانا، ءدامحانا جانە كوفەحانالار ورنالاسقان جەرىنە قاراماستان، كورشىلەس ۇستەلدەردىڭ شەتكى ورىندارى اراسىندا كەمىندە 2 مەتر الەۋمەتتىك قاشىقتىقتى ساقتاي وتىرىپ، تولتىرىلۋى بويىنشا %50 عا دەيىن، ءبىراق 30 ورىننان اسپايتىن شارتتاردى ساقتاي وتىرىپ، جۇمىس كۇندەرى جۇمىس كەستەسىن ساعات 07:00 دەن 20:00 گە دەيىن بەلگىلەي وتىرىپ، سەنبى جانە جەكسەنبى كۇندەرى جۇمىستارىنا تىيىم سالۋمەن جانە اشىق اۋادا (جازعى زالداردا) وتىراتىن ورىندارىنىڭ سانى 30 دان اسپايتىن ەسەپپەن جۇمىس كۇندەرى جۇمىس كەستەسىن ساعات 07:00-دەن 22:00-گە دەيىن بەلگىلەي وتىرىپ، سەنبى جانە جەكسەنبى كۇندەرى جۇمىستارىنا تىيىم سالۋمەن، تاماقتى جەتكىزۋ جانە شىعارۋ قىزمەتىن شتاتتىق رەجيمدە ۇيىمداستىرسىن» ، - دەپ جازىلعان قۇجاتتا. سونداي- اق، Ashyq جوباسىنا قاتىساتىن قوعامدىق تاماقتانۋ وبەكتىلەرى، ونىڭ ىشىندە بانكەت زالدارى ءۇشىن جۇمىس كۇندەرى عيمارات ىشىندە جۇمىس جانە دەمالىس كۇندەرى ساعات 07:00 دەن 22:00 گە دەيىن بەلگىلەي وتىرىپ جانە اشىق اۋادا (جازعى زالداردا) جۇمىس جانە دەمالىس كۇندەرى ساعات 07:00 دەن 24:00 گە دەيىن جۇمىس رەجيمى بەلگىلەنبەك.

كومپيۋتەر كلۋبتارىنىڭ، PlayStation كلۋبتارىنىڭ، بوۋلينگتەردىڭ، كينوتەاترلاردىڭ، كونسەرت زالدارىنىڭ، تەاترلاردىڭ، سيركتەردىڭ، كورمەلەردىڭ، بيليارد، كاراوكە، حايۋانات پاركتەرىنىڭ، وكەاناريۋمداردىڭ، باتۋتتاردىڭ، كينورۋمداردىڭ، تۇنگى كلۋبتاردىڭ، بۋكمەكەرلىك كەڭسەلەر مەن ويىن كلۋبتارىنىڭ، ونىڭ ىشىندە لوتەرەيالاردىڭ، بالالاردىڭ ويىن- ساۋىق ورتالىقتارىنىڭ، بالالاردىڭ ويىن بولمەلەرىنىڭ، ويىن الاڭدارىنىڭ جانە جابىق ءۇي-جايلارداعى اتتراكتسيونداردىڭ، ونىڭ ىشىندە سپورت وبەكتىلەرىندە ورنالاسقانداردى قوسپاعاندا، مۇزدى جانە روليكتى سىرعاناقتاردىڭ جۇمىسىنا دا تىيىم سالىنباق.

ءبىراق بۇل تىيىم Ashyq جوباسىنا قاتىسپايتىن سۋبەكتىلەرگە قاتىستى.

«جابىق جاعاجايلار مەن اكۆاپاركتاردىڭ، ونىڭ ىشىندە باسسەيندەردىڭ جۇمىسىنا، نۇر-سۇلتان قالاسىنىڭ سۋ ايدىندارىندا تەپلوحود، كاتەر، قايىق، كاتاماران، سۋ موتوتسيكلى سياقتى سەرۋەندەۋ كەمە قۇرالدارىنىڭ جۇمىسىنا دا تىيىم سالىنسىن»، - دەلىنگەن قاۋلىدا.

قۇجات قالا اۋماعىنداعى جاعاجايلاردىڭ، سونىڭ ىشىندە رۇقسات ەتىلمەگەن جەرلەردەگى جاعاجايلاردىڭ جانە اشىق اۋاداعى اكۆاپاركتەردىڭ جۇمىسىنا دا تىيىم سالىپ وتىر.

قاۋلى 2021-جىلعى 11- شىلدە كۇنى ساعات 00.00 دە كۇشىنە ەنەدى.