قايىقتان اۋدارىلعان تۇرعىن ارال تەڭىزىنە باتىپ كەتتى
وقيعا 7- شىلدەدە ساعات كىشى ارال تەڭىزى اۋماعىندا بولعان. ول اقەسپە اۋىلىنان 3 شاقىرىمداي قاشىقتىقتا ورنالاسقان. 1978-جىلعى ازامات ساعات 16.00 دە موتورلى قايىقپەن كەتىپ بارا جاتقان ساتىندە تەڭىزگە باتىپ كەتكەن.
«وقيعا ورنىنا وبلىستىق توتەنشە جاعدايلار دەپارتامەنتى ءورت ءسوندىرۋ قىزمەتىنىڭ جەدەل- قۇتقارۋ جاساعىنان 4 قۇتقارۋشى مەن 1 تەحنيكا باردى. سۋعا كەتكەن ازامات ىزدەستىرىلۋدە»، - دەدى وبلىستىق توتەنشە جاعدايلار دەپارتامەنتى ءورت ءسوندىرۋ جانە اۆاريالىق قۇتقارۋ جۇمىستارى قىزمەتىنىڭ مامانى ءاليا ەرەجەپوۆا.
ەسكە سالساق، بۇدان بۇرىن قۇتقارۋشىلار بۇگىن 31 جاستاعى ازاماتتىڭ دەنەسىن قىزىلوردا قالاسى تۇسىنداعى سىرداريا وزەنىنىڭ بەتىندە قالقىپ جۇرگەن جەرىنەن تاۋىپ الدى.
ايتا كەتسەك، جىل باسىنان بەرى وبلىستىڭ سۋ ايدىندارىندا 35 ادام سۋعا كەتىپ كوز جۇمدى. ونىڭ ىشىندە 20 بالا.