+7 (701) 759 90 19
3 °С : نۇر-سۇلتان
17 °С : الماتى
USD 425.3 EUR 501.05
RUB 5.85 CNY 65.88
جاڭالىقتار

باقىتجان ساعىنتايەۆ الماتىلىقتارعا ۇندەۋ جاسادى

8 شىلدە 07:58
:ءبولىسۋ
باقىتجان ساعىنتايەۆ الماتىلىقتارعا ۇندەۋ جاسادى

الماتى. قازاقپارات - باقىتجان ساعىنتايەۆ «الماتى» تەلەارناسىنداعى Akimat LIVE باعدارلاماسىنىڭ تىكەلەي ەفيرىندە كوروناۆيرۋستان امبۋلاتوريالىق ەم الىپ جاتقان قالالىقتاردى ءوزىن وقشاۋلاۋ ەرەجەسىن ساقتاۋعا جانە ادامدار كوپ شوعىرلانعان جەرلەرگە بارماۋعا شاقىردى، دەپ حابارلايدى قازاقپارات ءتىلشىسى.

قالا اكىمىنىڭ ايتۋىنشا، مۇنداي جاۋاپسىزدىققا جول بەرۋگە بولمايدى، ويتكەنى بۇل قوعامدىق دەنساۋلىققا قاۋىپ توندىرەدى.

«ادام سيمپتومسىز اۋرۋى مۇمكىن ءارى ول ۆيرۋستىڭ تاسىمالداۋشىسى بارلىق قالالىقتاردىڭ سانيتارلىق-ەپيدەميولوگيالىق قاۋىپسىزدىك شارالارىن قاتاڭ ساقتاۋلارى ءتيىس. بۇگىنگى كۇنى تەلەمەديتسينا ورتالىعىنىڭ باقىلاۋىندا 2306 ناۋقاس ۇيدە جاتىر، ولاردىڭ 291 ءى سيمپتومسىز، 1970 ءى جەڭىل جانە 45 ءى ورتاشا اۋىر دارەجەدە»، - دەيدى ول.

الماتىنىڭ سانيتارلىق- ەپيدەميولوگيالىق باقىلاۋ دەپارتامەنتىنىڭ مالىمەتى بويىنشا، 28- ماۋسىم مەن 1- شىلدە ارالىعىندا Ashyq جوباسى بويىنشا جۇمىس ىستەيتىن كاسىپكەرلىك نىساندارىنا كىرە بەرىستەگى سكانەرلەۋ ناتيجەسىندە 28 تۇرعىننىڭ «قىزىل» مارتەبەسى، 9 ادامنان «سارى» مارتەبەسى راستالدى. انىقتالعانىنداي، ولار فيتنەس-ورتالىقتارعا، باسسەيندەرگە، كينوتەاترلارعا، كافەلەر مەن مەيرامحانالارعا كىرۋگە تىرىسقان.

«قالادا Ashyq جوباسىنا 2331 قاتىسۋشى بار. ايتپاقشى، جوباعا قاتىسۋ ەرەجەلەرىنىڭ ساقتالۋى تۇراقتى تۇردە باقىلانادى. اعىمداعى جىلدىڭ 1- مامىرىنان باستاپ جۇرگىزىلگەن رەيدتەر بارىسىندا مونيتورينگىلىك توپتار Ashyq جوباسىندا جۇمىس ىستەيتىن 125 كاسىپكەرلىك سۋبەكتىلەرى بويىنشا شەكتەۋلى كارانتيندىك تالاپتاردىڭ بۇزىلۋىن انىقتادى»، - دەيدى الماتى اكىمى.

وتكەن اپتادا كوروناۆيرۋس جۇقتىرعاندار سانى 1,7 ەسەگە ءوستى، سوڭعى تاۋلىكتە 299 الماتىلىقتان كوروناۆيرۋس انىقتالدى. تاۋلىكتىك ءوسىم %0,3- دى قۇرادى.

«ينفەكتسيالىق ستاتسيونارلاردا 1131 ادام (80 بالا) ەمدەلۋدە، ونىڭ 33 ءى وتە اۋىر، 256 سى اۋىر، 842 ءى ورتاشا اۋىرلىق دارەجەسىندە. رەانيماتسيا جانە ينتەنسيۆتى تەراپيا بولىمدەرىندە بارلىعى 102 ادام بار. ونىڭ 19 وكپەنى جاساندى جەلدەتۋ اپپاراتىنا قوسىلعان. ءينۆازيۆتى ەمەس ءو ج ج - 34، High flow اپپاراتىندا - 22»، - دەپ قوستى باقىتجان ساعىنتايەۆ.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات