قازاقستاندا ءبىر ايدىڭ ىشىندە تۇرعىن ءۇي باعاسى قانشا پايىزعا قىمباتتادى؟
بۇل تۋرالى ستراتەگيالىق جوسپارلاۋ جانە رەفورمالار اگەنتتىگىنىڭ ۇلتتىق ستاتيستيكا بيۋروسىنان ءمالىم ەتتى، دەپ حابارلايدى قازاقپارات ءتىلشىسى.
«ءبىر ايدا (ماۋسىمنان مامىرعا قاراعاندا) اباتتاندىرىلعان تۇرعىن ءۇيدى الىپ ساتۋ باعاسى - 1,2، جاڭا تۇرعىن ءۇيدى ساتۋ 0,9 پايىزعا ءوستى. اباتتاندىرىلعان تۇرعىن ءۇيدى جالعا الۋ تولەمى 0,3 پايىز جوعارى بولدى»، - دەلىنگەن بيۋرو تارتقان اقپاراتتا.
ال ۆەدومستۆونىڭ مالىمەتىنشە، 2020-جىلدىڭ جەلتوقسانىمەن سالىستىرعاندا ماۋسىمدا جاڭا تۇرعىن ءۇيدى ساتۋ - 9,2، اباتتاندىرىلعان تۇرعىن ءۇيدى الىپ ساتۋ - 14,7، اباتتاندىرىلعان تۇرعىن ءۇيدى جالعا الۋ تولەمى 7,4 پايىزعا كوتەرىلگەن.
سونىمەن قاتار 2020-جىلدىڭ قاڭتار-ماۋسىمىنا قاراعاندا وسى جىلدىڭ ءبىرىنشى جارتىجىلدىعىندا جاڭا تۇرعىن ۇيلەر 9,6 پايىزعا قىمباتتاپ، شارشى مەترى 338450 تەڭگەگە جەتتى. ال اباتتاندىرىلعان تۇرعىن ءۇيدى الىپ ساتۋ قۇنى 22,3 پايىزعا كوتەرىلىپ، شارشى مەترى 267364 تەڭگەنى، اباتتاندىرىلعان تۇرعىن ءۇيدى جالعا الۋ تولەمى 10,9 پايىزا ارتىپ، شارشى مەترى ءۇشىن 1764 تەڭگەنى قۇرادى.