تارازدا اسا قاۋىپتى قىلمىسكەردى ۇستاۋ كەزىندە اۋىر جاراقات العان پوليتسەي كوز جۇمدى

تاراز. قازاقپارات - تاراز قالاسىندا وسىدان بەس جىل بۇرىن اسا قاۋىپتى قىلمىسكەردى ۇستاۋ بارىسىندا اۋىر جاراقات العان پوليتسەي بەكجان تىلەنشيەۆ ۇزاق ناۋقاستان قايتىس بولدى، دەپ حابارلايدى قازاقپارات ءتىلشىسى.

تاراز قالالىق ءى ءى ب جول-پاترۋلدەۋ پوليتسياسى باتالونىنىڭ پوليتسەيى، سەرجانت بەكجان تىلەنشيەۆ 32 جاسقا قاراعان شاعىندا قايتىس بولدى. ءتارتىپ ساقشىسى 5 جىل بۇرىن قاۋىپتى قىلمىسكەردى ۇستاۋ كەزىندە اۋىر جاراقات العان ەدى.

بۇل تۋرالى جامبىل وبلىسى پوليتسيا دەپارتامەنتىنىڭ باسپا ءسوز قىزمەتى حابارلادى.

«بەكجان تىلەنشيەۆ 1989-جىلى 22- قازاندا جامبىل وبلىسى جۋالى اۋدانى شاقپاق اتا اۋىلىندا دۇنيەگە كەلگەن. 2010-جىلى الماتى مەملەكەتتىك بيزنەس كوللەدجىن اياقتاعان سوڭ قازاقستان قارۋلى كۇشتەرىنىڭ قاتارىنا شاقىرىلعان. ال 2013-جىلدان باستاپ قۇقىق قورعاۋ ورگاندارىندا قىزمەت ەتە باستاعان. 2016-جىلى 19- ماۋسىم كۇنى ول سۋىق قارۋلانعان اسا قاۋىپتى قىلمىسكەردى ۇستاۋ كەزىندە موينى مەن كەۋدەسىنە وق ءتيىپ، اۋىر جاراقات العان»، - دەلىنگەن پ د حابارلاماسىندا.

2016-جىلدىڭ 5- جەلتوقسانىندا قازاقستان پرەزيدەنتىنىڭ جارلىعىمەن بەكجان تىلەنشيەۆ «ەرلىگى ءۇشىن» مەدالىمەن ماراپاتتالدى.

2017-جىلدىڭ ءساۋىر ايىندا ول دەنساۋلىعىنا بايلانىستى ىشكى ىستەر ورگاندارىنان بوساتىلدى.

بەكجان تىلەنشيەۆ ۇزاق ۋاقىت بويى ەلىمىزدە جانە شەتەلدە ەمدەلگەن. الايدا بۇعان قاراماستان ونىڭ دەنساۋلىعى جاقسارماعان.

ارىپتەسىنىڭ قازاسىنا بايلانىستى جامبىل وبلىسى پوليتسيا دەپارتامەنتىنىڭ جەكە قۇرامى مەن باسشىلىعى، سونداي-اق ارداگەرلەر كەڭەسى ونىڭ وتباسىنا كوڭىل ايتتى.