بەرليندە قازاقستان مادەنيەتىنە ارنالعان كورمە جۇمىسىن باستادى
اشىلۋ راسىمىندە قازاقستاننىڭ ەلشىسى داۋرەن كارىپوۆ مەملەكەتىمىزدىڭ تاريحى مەن حالقىمىزدىڭ مادەنيەتى، سونداي-اق سالت- داستۇرلەرى تۋرالى ايتىپ ءوتتى. ءىس- شاراعا قاتىسۋشىلار اتا- بابامىز شىعارعان تابيعي ونەرتابىس - كيىز ۇيمەن تانىسىپ، قازاقستاننىڭ زاماناۋي ارحيتەكتۋراسىن، تابيعاتىن، ۇلتتىق تاعامدارى مەن ادامدارىن كورسەتەتىن فوتوكورمەنى تاماشالاي الدى. اشىلۋ ءراسىمى قازاق ۇلتتىق مۋزىكاسىمەن اياقتالدى.
ارنايى وسى كورمەگە كەلگەن قازاق ۇلتتىق ونەر ۋنيۆەرسيتەتىنىڭ ستۋدەنتتەرى «Mall of Berlin» ورتالىعىنىڭ قوناقتارى ءۇشىن قازاق حالىق اندەرى مەن كۇيلەرىن ورىندادى. ەلشىلىك پەن قازاقستاننان گەرمانياعا قونىس اۋدارعان نەمىستەردىڭ «Qazan e.V.» اتتى قاۋىمداستىعى ۇيىمداستىرعان كورمە 5-17-شىلدە ارالىعىندا وتەدى. وسى كەزەڭدە كورمەدە سونىمەن قاتار قازاقستاننىڭ وتاندىق وندەرۋشىلەرى وزدەرىنىڭ ەكولوگيالىق ونىمدەرىن ۇسىنادى.
