+7 (701) 759 90 19
USD 425.78 EUR 494.08
RUB 5.98 CNY 66.23
جاڭالىقتار

قازاقستاندىق كاسىپكەرلەر وزبەكستاندا ءىرى اۋىلشارۋاشىلىق ورتالىعىن سالادى - شەتەلدەگى قازاق ءتىلدى ب ا ق-قا شولۋ

6 شىلدە 07:48
:ءبولىسۋ
قازاقستاندىق كاسىپكەرلەر وزبەكستاندا ءىرى اۋىلشارۋاشىلىق ورتالىعىن سالادى - شەتەلدەگى قازاق ءتىلدى ب ا ق-قا شولۋ

نۇر-سۇلتان. قازاقپارات - «قازاقپارات» ح ا ا ادەتتەگىدەي شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

قازاق ەلشىسى موڭعوليا دەپۋتاتى بادەلحان قابدىسىلام ۇلىمەن كەزدەستى - Kaznews

قازاقستان رەسپۋبليكاسىنىڭ موڭعولياداعى توتەنشە جانە وكىلەتتى ەلشىسى جالعاس ادىلبايەۆ «موڭعوليا - قازاقستان پارلامەنتارالىق دوستىق توبىنىڭ» ءتوراعاسى - ۇلى حۋرال دەپۋتاتى بادەلحان قابدىسىلام ۇلىمەن كەزدەستى، دەپ حابارلايدى Kaznews اقپارات پورتالى.

اتالعان ب ا ق-تىڭ كەلتىرگەن دەرەگىنە سۇيەنسەك، كەزدەسۋ بارىسىندا قازاقستاندىق ديپلومات موڭعوليادا جانە قازاقستاندا Covid-19 پاندەمياسىنا قارسى ەكپە جۇمىستارى جوعارى دەڭگەيدە ءجۇرىپ جاتقانىنا توقتالدى. سونداي-اق، قازاقستان رەسپۋبليكاسىنىڭ بيولوگيالىق قاۋىپسىزدىك ماسەلەلەرى جونىندەگى عىلىمي- زەرتتەۋ ينستيتۋتىنىڭ ماماندارى جاساعان «QazVac» كوروناۆيرۋسىنا قارسى وتاندىق ۆاكتسينا تۋرالى ماعلۇمات بەرىپ، قازاقستان تاراپىنىڭ وسى باعىتتاعى ۇسىنىستارىنا توقتالىپ ءوتتى.

«بۇعان قوسا، ج. ادىلبايەۆ بيىل قازاقستان رەسپۋبليكاسىنىڭ تاۋەلسىزدىگىنىڭ 30 جىلدىعى تويلاناتانىن، وسى جىلدار كەزەڭىندەگى ەلىمىزدىڭ قول جەتكىزگەن جەتىستىكتەرىنە جەكە توقتالدى جانە قازىرگى كەزەڭدە ەلىمىزدە دەموكراتيالىق پەن ازاماتتىق قوعامدى ودان ءارى جەتىلدىرۋ باعىتىنداعى ساياسي رەفورمالار تۋرالى باياندادى»، دەپ جازدى موڭعوليالىق ب ا ق.


تاراپتار بيىل قازاقستان پارلامەنتىنە 25 جىل تولۋىنا بايلانىستى «موڭعوليا- قازاقستان پارلامەنتارالىق دوستىق توبىنىڭ» مۇشەلەرىمەن كەزدەسىپ، ەكى ەلدىڭ حالىق قالاۋلىلارى اراسىنداعى ىنتىماقتاستىقتى دامىتۋ تۋرالى شارالارعا توقتالعان. ەكىجاقتى پارلامەنت دەپۋتاتتارى اراسىنداعى ءوزارا ءىس- قيمىلدى جانداندىرۋ قاجەتتىلىگىن اتاپ وتكەن.

موڭعوليالىق ب ا ق-تىڭ دەرەگىنشە، جوعارى جانە جوعارعى دەڭگەيلەردەگى ساياسي ديالوگتى كەڭەيتۋ، سونداي-اق ە ق ى ۇ مەن ب ۇ ۇ سياقتى حالىقارالىق ۇيىمدار شەڭبەرىندەگى باستامالاردى ىلگەرىلەتۋدە ءوزارا قولداۋ كورسەتۋ ماسەلەلەرى بويىنشا سىندارلى پىكىر الماسۋلار بولعان.

«كەزدەسۋ سوڭىندا جوعارىدا اتالعان ۇيىمدار شەڭبەرىندە ءوزارا قولداۋ كورسەتۋ جانە ىنتىماقتاستىقتى تەرەڭدەتۋ، سونداي-اق بۇدان ءارى قازاقستان مەن موڭعوليا اراسىنداعى پارلامەنتارالىق ءوزارا ءىس- قيمىلدىڭ تەتىكتەرىن پىسىقتاۋ تۋرالى ۋاعدالاستىققا قول جەتكىزىلدى»، دەپ تۇيىندەيدى Kaznews اقپارات پورتالى.

انكارادا 30 جىلدىققا ارنالعان كونسەرت - TRT

انكارادا تۇركىتىلدەس مەملەكەتتەر تاۋەلسىزدىگىنىڭ 30 جىلدىعىنا ارنالعان كونتسەرت بولىپ ءوتتى. تۇركيانىڭ باس قالاسى انكارادا پرەزيدەنتتىك سيمفونيالىق وركەستر زالىندا ازەربايجان، قازاقستان، قىرعىزستان، وزبەكستان جانە تۇركىمەنستان تاۋەلسىزدىگىنىڭ 30 جىلدىعىنا ارنالعان «تۇركى الەمىنىڭ حالىق اندەرى» اتتى كونسەرتتىك باعدارلاما ءوتتى.

بۇل تۋرالى وسى اپتادا تۇركيا راديو تەلەۆيزيا پورتالى حابارلاعان بولاتىن.

اتالمىش ءىس-شارانى حالىقارالىق تۇرىك مادەنيەت ۇيىمى تۇرىكسوي جانە ت ر مادەنيەت جانە تۋريزم مينيسترلىگى ۇيىمداستىرعان.


TRT- نىڭ دەرەگىنشە، كونسەرتتىڭ وتكىزىلۋىنە باۋىرلاس ەلدەر قازاقستان، ازەربايجان، قىرعىزستان، وزبەكستان جانە تۇركىمەنستان مادەنيەت مينيسترلىكتەرى قولداۋ كورسەتكەن. مەرەكەلىك كونسەرتكە تۇرىكسوي باس حاتشىسى دۇيسەن قاسەيىنوۆ، ت ر مادەنيەت جانە تۋريزم ءمينيسترىنىڭ ورىنباسارى وزگۇل وزكان ياۆۋز، قازاقستان رەسپۋبليكاسىنىڭ تۇركيا رەسپۋبليكاسىنداعى ەلشىسى ابزال ساپاربەك ۇلى، قىرعىز رەسپۋبليكاسىنىڭ تۇركيا رەسپۋبليكاسىنداعى ەلشىسى كۋبانىچبەك ومىراليەۆ، وزبەكستان رەسپۋبليكاسىنىڭ تۇركيا رەسپۋبليكاسىنداعى ەلشىسى الىشەر اعزامحودجايەۆ پەن ءبىرقاتار قۇرمەتتى قوناق قاتىستى.

تۇركيا رەسپۋبليكاسى مادەنيەت جانە تۋريزم ءمينيسترىنىڭ ورىنباسارى ياۆۋز تۇركىتىلدەس ەلدەردى تاۋەلسىزدىكتىڭ 30 جىلدىعىمەن قۇتتىقتادى.

كونسەرتتىك باعدارلامادا قازاقستاننان، ازەربايجاننان، قىرعىزستاننان، تۇركيادان وزبەكستاننان جانە تۇرىكمەنستاننان كەلگەن ونەرپازدار ونەر كورسەتتى.

ايتا كەتەيىك، كونسەرت حالىقارالىق تۇرىك مادەنيەت ۇيىمى تۇرىكسويدىڭ الەۋمەتتىك جەلىدەگى ەسەپتەرىنەن تىكەلەي جاريالاندى.

قازاقستاندىق كاسىپكەرلەر فەرعانادا ءىرى اۋىلشارۋاشىلىق كوتەرمە-تاراتۋ ورتالىعىن سالادى - «ءوزا» اقپاراتتىق اگەنتتىگى

قازاقستاندىق كاسىپكەرلەر فەرعانادا ءىرى اۋىلشارۋاشىلىق كوتەرمە- تاراتۋ ورتالىعىن سالماق. ول ءۇشىن 30 ميلليون دوللار سالۋعا نيەتتى. وسى كەلىسىم ارقىلى وبلىستا وسىرىلگەن اۋىلشارۋاشىلىق ونىمدەرىن تىكەلەي قازاقستان نارىعىنا شىعارۋ كوزدەلگەن، دەپ حابارلايدى وزبەكستاننىڭ «ءوزا» اگەنتتىگى.


وسى كەلىسمگە قول جەتكىزۋ ءۇشىن قازاقستان رەسپۋبليكاسىنىڭ ساۋدا جانە ينتەگراتسيا ءمينيسترى باقىت سۇلتانوۆ باستاعان دەلەگاتسيا 27 ماۋسىمدا رەسمي ساپارمەن فەرعانا وبلىسىنا كەلىپ، وبلىس اكىمشىلىگىندە اكىمنىڭ ءبىرىنشى ورىنباسارى اۆازبەك ۋرينبايەۆ كەزدەسۋ ءوتتى.

«ءوزا» - نىڭ دەرەگىنشە، كەلىسسوزدەر بارىسىندا تاراپتار فەرعانا وبلىسى مەن قازاقستان رەسپۋبليكاسى اراسىنداعى ءوزارا ءتيىمدى ىنتىماقتاستىقتى جولعا قويۋ، اۋىلشارۋاشىلىق ونىمدەرىن ءوسىرۋدىڭ، ساقتاۋدىڭ، مۇزداتۋدىڭ، كەپتىرۋدىڭ جانە وراۋدىڭ جاڭا ادىستەرىنە ارنالعان كەشەن قۇرۋ، سونداي- اق تاۋار اينالىمىن ارتتىرۋ، ءبىرىڭعاي ساۋدا جۇيەسىن قۇرۋ سياقتى ماسەلەلەردى جەدەلدەتۋ ءجونى تالقىلاندى. كەزدەسۋ بارىسىندا باقىت سۇلتانوۆ بۇل جولى مەملەكەتتىك قىزمەتكەرلەردەن قۇرالعان ۇلكەن دەلەگاتسيامەن كەلگەنىن ايتقان.

ارالارىندا كاسىپكەرلەر مەن ءىرى ساۋدا سەكتورلارىنىڭ جەتەكشىلەرى بار ەكەنىن تىلگە تيەك ەتكەن. قازاقستاندىق كاسىپكەرلەردىڭ وزبەكستانمەن ىنتىماقتاستىعى بۇرىننان جالعاسىپ كەلەدى، ءبىراق ءبىز وسى ساپار بارىسىندا ىنتىماقتاستىق مەحانيزمىن جەتىلدىرۋدى جوسپارلاپ وتىرمىز. سول سەبەپتى بۇل جولى وزبەكستاندا 3 ءىرى اۋىلشارۋاشىلىق ونىمدەرىن كوتەرمە ساتۋ ورتالىقتارىن قۇرۋعا نەمەسە قولدانىستاعى لوگيستيكالىق ورتالىقتارمەن سەرىكتەستىكتە جۇمىس ىستەۋگە نيەتتىمىز، دەپ مالىمدەگەن ق ر ساۋدا جانە ينتەگراتسيا ءمينيسترى باقىت سۇلتانوۆ.

ول ءۇشىن شامامەن 30 ميلليون دوللار سالۋعا دايىن ەكەندىكتەرىن ايتقان باقىت سۇلتانوۆ وسى لوگيستيكالىق ورتالىقتاردى تەز ىسكە قوسىپ، 2022 -جىلى جينالعان ءونىمدى تىكەلەي قازاقستان نارىعىنا جىبەرۋ جوسپارىمىز بار، - دەگەن.

ورتا ازياداعى ەڭ ءىرى جەل ەلەكتر ستانسياسى قازاقستاننىڭ جاڭا ەنەرگيا سالاسىنا دەم بەردى - «جەنمين جيباو» (People Daily)


قىتايدىڭ «جەنمين جيباو» پورتالىندا وسىنداي تاقىرىپتاعى اقپارات جاريالاندى. قازاقستاننىڭ جاڭاتاس قالاسىنداعى «جاڭاتاس» جەل ەلەكتر ستانسياسىنىڭ كەزەكشى قىزمەتكەرلەرى نەگىزگى مەڭگەرۋ ورتالىعىندا جەل ەلەكتر ستانتسيا قۇرىلعىلارىنىڭ جاعدايىن وسىلاي باقىلايدى، دەپ باستالادى بۇل حابار.

«جاڭاتاس - قازاقستاننىڭ وڭتۇستىك بولىگىندەگى قالا. بۇل قالا كەزىندە فوسفور كەنىنە بايلانىستى گۇلدەنىپ، كەيىن كەن كاسىبى سالاسىنىڭ قۇلدىراۋىنا بايلانىستى قۇلدىراعان بولاتىن. بۇگىنگى تاڭدا، قازاقستان مەن قىتاي كاسىپورىندارى بىرلەسىپ سالعان ورتا ازياداعى ەڭ ءىرى جەل ەلەكتر نىسانى - 100 مەگاۆاتتىق «جاڭاتاس» جەل ەلەكتر نىسانى سالىنىپ بولۋ الدىندا تۇر. بۇل نىسان قالاعا جاڭا ومىرشەڭدىك قۋات سىيلايتىن بولادى»، دەپ جازادى People Daily.

ايتا كەتەيىك، جامبىل وبلىسى سارىسۋ اۋدانىنداعى بۇل جەل ەلەكتر ستانتسياسى - ورتالىق ازياداعى ەڭ ءىرى جوبا. ونى سالۋعا ينۆەستور 150 ميلليون دوللار قاراجات جۇمسالعان. قۋاتى 100 مەگاۆاتت بولاتىن قوندىرعىلار وڭتۇستىك ايماقتاردى قاجەت ەنەرگيامەن قامتۋعا ىقپال ەتپەك.

اۆتور: بەيسەن سۇلتان ۇلى


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات