كوروناۆيرۋس پاندەمياسى قازاقستاندىقتاردىڭ تابىسى مەن ساتىپ الۋ قابىلەتىن تومەندەتتى - زەرتتەۋ
2019 -جىلى ولاردىڭ ۇلەسى تومەنىرەك - 4,1 پايىزعا تەڭ بولعان، - دەپ حابارلايدى Tengrinews.kz ءتىلشىسى Ranking.kz سايتىنا سىلتەمە جاساپ.
«سونىمەن قاتار، تاماقتى ەڭ تومەنگى كالوريا مولشەرىنەن از جەيتىن حالىقتىڭ ۇلەسى قالالىق جەرلەردە قاشاندا جوعارى. مىسالى، 2019 -جىلى بۇل كورسەتكىش 4,1 پايىزعا تەڭ بولسا، اۋىلدىق ايماقتا 3,1 پايىز بولعان. الايدا 2020 -جىلى اۋىل تۇرعىندارى اراسىندا تويىپ تاماق جەمەگەندەر سانى ءوسىپ، كورسەتكىش 4,2 پايىزعا جەتتى، ال قالالىق ايماقتا 4 پايىزعا تەڭ بولدى، - دەپ جازىلعان ماقالادا.
2020 -جىلى تۇرعىنداردىڭ تاۋلىك كولەمىندە تۇتىنعان ازىق- تۇلىكتەرىنىڭ ەنەرگەتيكالىق قۇندىلىعى جان باسىنا شاققاندا ورتا ەسەپپەن 3425 كالورياعا تەڭ. بۇل 2019 -جىلمەن سالىستىرعاندا 5,3 پايىزعا كوپ. ءبىراق ەنەرگەتيكالىق قۇندىلىقتىڭ مينيمالدى قاجەتتىلىگى وزگەرىسسىز قالعان: 2019 -جىلى جان باسىنا 1866 كالوريا بولسا، 2020 -جىلى 1863 كالوريا.
ماقالا اۆتورلارىنىڭ ايتۋىنشا، ازىق-تۇلىكتەردىڭ تاعامدىق قۇرامى بويىنشا جارتىسىنان كوبى - 51,9 پايىزى كومىرسۋلارعا (نان جانە ءداندى داقىلدار ءونىمى) تيەسىلى بولسا، ماي جانە اقۋىز ۇلەسى (ەت، تەڭىز جانە ءسۇت ونىمدەرى مەن جۇمىرتقا) 35,5 پەن 12,6 پايىز.
كوروناۆيرۋس پاندەمياسى قازاقستاندىقتاردىڭ تابىسى مەن ساتىپ الۋ قابىلەتىنىڭ تومەندەۋىنىڭ سەبەبى بولىپ وتىر. ەكونوميستەردىڭ ايتۋىنشا، جاعدايدى دۇرىستاۋ ءۇشىن شۇعىل شارا قابىلداۋ قاجەت.