19:14, 02 - شىلدە 2021 | GMT +6
جانداربەك بەكشين «دەلتا» شتامىمەن تىركەلگەن العاشقى ناۋقاستىڭ جاعدايى تۋرالى ايتتى
الماتى. قازاقپارات - الماتى قالاسى سانيتاريالىق-ەپيدەميولوگيالىق باقىلاۋ دەپارتامەنتىنىڭ باسشىسى جانداربەك بەكشين ونلاين بريفينگ بارىسىندا «دەلتا» شتامىن جۇقتىرعان العاشقى پاتسيەنتتىڭ جاعدايى تۋرالى ايتتى، دەپ حابارلايدى قازاقپارات ءتىلشىسى.
«ءۇندى شتامى انىقتالعان العاشقى پاتسيەنتتىڭ جاعدايى جاقسى. انا مەن بالا قاناعاتتانارلىق جاعدايدا اۋرۋحانادان شىعارىلدى. ولار ەندى ۇيلەرىندە دارىگەرلەردىڭ باقىلاۋىندا بولادى. ەپيدەميولوگيالىق تەكسەرۋ جۇرگىزىلدى. الماتىلىق كەلىنشەك ۇيىنە جوندەۋ جۇمىستارىن جۇرگىزگەن جانە قالاداعى بىرنەشە قۇرىلىس دۇكەندەرىندە بولعان. اۋرۋدى سول جاقتان جۇقتىرىپ الدى دەگەن بولجام بار»، - دەدى جانداربەك بەكشين.
ەسكە سالايىق، الماتىدا ءۇندى شتامى 37 جاستاعى ايەلدەن 22- ماۋسىم كۇنى انىقتالعان بولاتىن.