+7 (701) 759 90 19
17 °С : نۇر-سۇلتان
°С : الماتى
USD 425.3 EUR 501.05
RUB 5.85 CNY 65.88
جاڭالىقتار

ە ا ە و، كوروناۆيرۋس جانە كەنەسارى حاننىڭ سۇيەگى. نازاربايەۆ پەن پۋتين كەلىسسوزدەرىنىڭ قورىتىندىسى

2 شىلدە 16:27
:ءبولىسۋ
ە ا ە و، كوروناۆيرۋس جانە كەنەسارى حاننىڭ سۇيەگى. نازاربايەۆ پەن پۋتين كەلىسسوزدەرىنىڭ قورىتىندىسى

نۇر-سۇلتان. قازاقپارات – 30-ماۋسىم كۇنى نۇرسۇلتان نازاربايەۆ رەسەي فەدەراتسياسىنىڭ پرەزيدەنتى ۆلاديمير پۋتينمەن كەلىسسوز جۇرگىزدى.

بىرنەشە ساعاتقا سوزىلعان كەلىسسوز ايتارلىقتاي جەمىستى بولدى. بۇعان دەيىن دە اتاپ وتىلگەنىندەي، تاراپتار ە ا ە و اياسىنداعى ينتەگراتسيالىق پروتسەستەردىڭ دامۋ پەرسپەكتيۆاسىن تالقىلاپ، وڭىرلىك قاۋىپسىزدىكتى قامتاماسىز ەتۋ بويىنشا وزەكتى ماسەلەلەرگە قاتىستى پىكىر الماستى.

اتاپ ايتقاندا، سوڭعى وقيعالار كونتەكسىندە اۋعانستاننىڭ ورتالىق ازيا مەملەكەتتەرىمەن شەكاراسىنداعى شيەلەنىستى جاعدايلار تالقىلاندى.

قازاقستان رەسپۋبليكاسى قاۋىپسىزدىك كەڭەسىنىڭ ءتوراعاسى وسى وڭىردەگى شيەلەنىستىڭ ارتا تۇسۋىنە بايلانىستى ءوز الاڭداۋشىلىعىن ءبىلدىردى. ەلباسىنىڭ بىلتىر كوروناۆيرۋس ينفەكسياسىنان قالاي ايىققانى تۋرالى ءسوزى دە ب ا ق- تىڭ ەرەكشە قىزىعۋشىلىعىن تۋدىردى.


ەستە بولسا، تۋرا سول كەزدە قاراپايىم ازاماتتار اراسىندا دا، وسى سوققىنى وزدەرىنە ءبىرىنشى قابىلداعان مەديتسينا قىزمەتكەرلەرى اراسىندا دا كوروناۆيرۋس جۇقتىرۋ شارىقتاۋ شەگىنە جەتكەن ەدى. نۇرسۇلتان نازاربايەۆ جاڭا قاتەرگە قارسى كۇرەستە قازاقستاندىق مەديتسينا قىزمەتكەرلەرىنىڭ ەرەن ەرلىگىن بىرنەشە رەت باسا ايتقان. ەلباسى ادامزات بالاسى بۇل ۆيرۋستى تەك الەمدىك عىلىمي- مەديتسينالىق قوعامداستىقپەن تىعىز كووپەراتسيا ارقىلى جانە اركىمنىڭ ءوز دەنساۋلىعىن ساقتاۋعا جاۋاپتى قادام جاساي وتىرىپ قانا جەڭۋگە بولاتىنىن ءارقاشان ايتىپ كەلەدى.


ەسكە سالا كەتەيىن، نۇرسۇلتان نازاربايەۆتىڭ سىرقاتتانعانى تۋرالى اقپارات ءبىزدىڭ ەلدىڭ ازاماتتارىن عانا ەمەس، الەمدىك قاۋىمداستىقتى دا اياعىنان تىك تۇرعىزدى. كوپتەگەن شەتەل كوشباسشىلارى ءوز الاڭداۋشىلىعىن ءبىلدىرىپ، قازاقستاننىڭ تۇڭعىش پرەزيدەنتىنىڭ تەز ساۋىعىپ كەتۋىن تىلەدى. نۇرسۇلتان نازاربايەۆتىڭ جاقىن دوسى ۆلاديمير ۆلاديميروۆيچ پۋتين ءتىپتى تۇڭعىش پرەزيدەنتتى باقىلايتىن قازاقستاندىق ماماندارعا كومەك كورسەتۋ ءۇشىن رەسەيلىك دارىگەرلەردى جىبەردى. ەلباسى كوروناۆيرۋس ينفەكسياسىنىڭ سيمپتومسىز تۇرىمەن اۋىرعان بولاتىن. مەديتسينا ماماندارىنىڭ كەڭەستەرى، ۇسىنىمدارى، سونداي- اق تۇڭعىش پرەزيدەنتتىڭ دەنساۋلىق جاعدايىن مۇقيات باقىلاۋدىڭ ارقاسىندا ءبارى جاقسى ءوتتى.

ەلباسىنىڭ رەسەي فەدەراتسياسىنا جۇمىس ساپارى اياسىندا تالقىلانعان ماسەلەنىڭ ءبىرى قازاق حالقى ءۇشىن كيەلى سانالاتىن كەنەسارى حاننىڭ سۇيەگىن ىزدەستىرۋ جانە ونى قازاقستانعا قايتارۋ تاقىرىبى بولدى. كەلىسسوزدەر بارىسىندا نۇرسۇلتان ءابىش ۇلى رەسەي پرەزيدەنتىنەن وسى پروتسەسكە كومەك كورسەتۋىن سۇرادى.

ەلباسى قازاقتىڭ سوڭعى حانىنىڭ سۇيەگى ءوزىنىڭ تۋعان جەرىندە جەرلەنىپ، رۋحىنىڭ تىنىش تابۋى قازاق حالقى ءۇشىن اسا ماڭىزدى ماسەلە ەكەنىن ايرىقشا اتاپ ءوتتى. ۆلاديمير ۆلاديميروۆيچ پۋتين تۇڭعىش پرەزيدەنتتى رەسەي تاراپىنىڭ بۇل ماسەلەدە جان-جاقتى كومەك كورسەتەتىنىنە سەندىردى. پۋتيننىڭ سوزىنە قاراعاندا، ارتەفاكت تابىلادى جانە قازاقستان حالقىنا قايتارىلادى. ەلباسى كەڭەسشىسى - ءباسپاسوز حاتشىسى ا. ۇكىباي.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات