شىعىس قازاقستان وبلىسى اكىمىنىڭ جاڭا ورىنباسارى تاعايىندالدى

None
None
وسكەمەن. قازاقپارات - اكتيۆكە ءوزىنىڭ جاڭا ورىنباسارى ازامات مۇحامەدچينوۆتى تانىستىرعان شىعىس قازاقستان وبلىسىنىڭ اكىمى دانيال احمەتوۆ ونىڭ كاسىبي تاجىريبەسىنە توقتالىپ، جۇمىسىنا تابىس تىلەدى، دەپ حابارلايدى قازاقپارات ءوڭىر باسشىسىنىڭ باسپا ءسوز قىزمەتىنە سىلتەمە جاساپ.

ازامات مۇحامەدچينوۆ 1978-جىلى 23- اقپاندا شىعىس قازاقستان وبلىسى ۇلان اۋدانى اسۋبۇلاق اۋىلىندا دۇنيەگە كەلگەن.

2007-جىلى س. امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىن، 2013-جىلى «ەكونوميكا جانە بيزنەس» ماماندىعى بويىنشا شىعىس قازاقستان وڭىرلىك ۋنيۆەرسيتەتىن ءتامامداعان.

ەڭبەك جولىن 1998-جىلى ورتا مەكتەپتە مۇعالىم بولىپ باستادى. 2001-جىلدان 2008-جىلعا دەيىن ريددەر قالاسىنداعى كوپسالالى «شاڭىراق» مەكتەپ-گيمنازياسىنىڭ مۇعالىمى. 2008-2012-جىلدار ارالىعىندا «مادەنيەت سارايى» ك م ق ك ديرەكتورى، ريددەر قالاسىنىڭ مادەنيەت جانە تىلدەردى دامىتۋ ءبولىمىنىڭ باستىعى بولدى.

2012-جىلدىڭ ءساۋىر ايىنان باستاپ وسكەمەن قالاسىنىڭ مادەنيەت جانە تىلدەردى دامىتۋ ءبولىمىن باسقاردى.

2016-2019 جىلدارى شىعىس قازاقستان وبلىسىنىڭ مادەنيەت، مۇراعاتتار جانە قۇجاتتاما باسقارماسىنىڭ باسشىسى، 2019-2020-جىلدارى شىعىس قازاقستان وبلىسى اكىمى اپپاراتىنىڭ باسشىسى بولىپ جۇمىس ىستەدى.

2020-جىلدىڭ جەلتوقسان ايىنان بۇگىنگە دەيىن ش ق و ىشكى ساياسات باسقارماسىنىڭ باسشىسى قىزمەتىن اتقارىپ كەلدى.

سوڭعى جاڭالىقتار