ساراپشى تەز بايۋ جولىن ءتۇسىندىردى
«ۋنيۆەر كاپيتال» ي ك كاپيتال نارىعى دەپارتامەنتىنىڭ اتقارۋشى ديرەكتورى ارتەم تۋزوۆتىڭ ايتۋىنشا، قور نارىعى ينۆەستورعا دا، الىپساتارعا دا اقشا تابۋدىڭ جەتكىلىكتى نۇسقالارىن ۇسىنادى، - دەپ حابارلايدى «پرايم» اگەنتتىگى.
ينۆەستيتسيانى ءساتتى جاساۋ ءۇشىن بەلگىلى ءبىر قابىلەت كەرەك. بىرىنشىدەن، ول قارجىلىق ساۋاتتىلىق، ياعني قايدا ينۆەستيسيا جاساۋ- جاساماۋىن دۇرىس ءتۇسىنۋ قاجەت. ەكىنشىدەن، قارجىلىق ءتارتىپ كەرەك. ول قاجەتسىز نەسيە الۋ مەن «جالاقىدان جالاقىعا دەيىن» ءومىر ءسۇرۋ ءتارتىبىن بۇزۋ ءۇشىن قاجەت.
«تابىستىڭ 10-20 پايىزىن ساقتاي وتىرىپ بىرتىندەپ كاپيتال قۇرىپ، بايۋعا بولادى»، - دەيدى مامان.
ۇشىنشىدەن، ۇنەمى ءبىلىم الىپ، ىزدەنىپ ءجۇرۋ كەرەك. ساراپشىنىڭ ويىنشا، جاي عانا يدەيا ەشقانداي تابىس الىپ كەلمەيدى، ينۆەستيتسيانىڭ جاڭا نۇسقالارىن ويلاستىرعان كەزدە عانا تەزىرەك بايۋعا بولادى.
ءتورتىنشى قابىلەت - تاۋەكەلدى ءتۇسىنۋ، ياعني تاۋەكەل، تابىس جانە كاپيالدى دامىتۋ اراسىنداعى تەپە- تەڭدىك.
«ال بەسىنشى قابىلەت - باسىمدىقتاردى دۇرىس بەلگىلەي ءبىلۋ. دەنساۋلىققا نەمەسە وتباسىلىق ومىرگە زيان كەلتىرە وتىرىپ بايۋ باقىت اكەلمەيدى»، - دەپ ءتۇسىندىردى ساراپشى.