+7 (701) 759 90 19
3 °С : نۇر-سۇلتان
17 °С : الماتى
USD 425.3 EUR 501.05
RUB 5.85 CNY 65.88
جاڭالىقتار

الماتىدا ت ج د اپتاپ ىستىققا بايلانىستى ەسكەرتۋ جاسادى

30 ماۋسىم 21:16
:ءبولىسۋ
الماتىدا ت ج د اپتاپ ىستىققا بايلانىستى ەسكەرتۋ جاسادى

الماتى. قازاقپارات - الماتى قالالىق توتەنشە جاعدايلار دەپارتامەنتى «قازگيدرومەتكە» سىلتەمە جاساپ اۋا رايىنا قاتىستى ەسكەرتۋ جاريالادى، دەپ حابارلايدى قازاقپارات ءتىلشىسى.

1-3- شىلدە ارالىعىندا الماتىدا سىناپ باعاناسى 34-35 گرادۋسقا دەيىن كوتەرىلەدى. كۇن قاتتى ىستىق بولۋى ىقتيمال. وسىعان بايلانىستى الماتى قالاسى ت ج دەپارتامەنتى تومەندەگى قاۋىپسىزدىك شارالارىن ساقتاۋدى ۇسىنادى:

- كۇن ساۋلەسى تىكەلەي تۇسەتىن جەرلەردە مۇمكىندىگىنشە از بولۋعا تىرىسىڭىز.

ەسىڭىزدە بولسىن، ساعات 12:00 دەن 16:00 گە دەيىنگى ۋاقىتتا كۇننىڭ ساۋلەسى بەلسەندى بولادى.

دەنەنى كۇن ساۋلەسىنەن قورعاپ، جابىق كيىم كيۋگە تىرىسىڭىز جانە كۇننەن قورعايتىن سىقپا مايلار قولدانىڭىز؛

- الكوگولدى ىشىمدىك ىشپەڭىز - الكوگول ىستىقتا اعزاعا تەز اسەر ەتەدى جانە دەنە جوعارى تەمپەراتۋراعا سەزىمتال بولادى؛

- سۇيىقتىقتى (سالقىنداتىلعان سۋ، مينەرالدى سۋ) مۇمكىندىگىنشە كوپ ىشۋگە تىرىسىڭىز؛

دەنەگە سالماق تۇسىرمەڭىز. كۇشتى جۇكتەمە ىستىقتا جىلۋ الماسۋدى ارتتىرادى دا اعزانى سۋسىزدانۋعا اكەلىپ سوقتىرادى؛

- اۆتو كولىكتەرمەن ۇزاق ساپارلاردى شەكتەۋىڭىز كەرەك، ەگەر بۇل مۇمكىن بولماسا، جولدا مۇمكىندىگىنشە اباي بولىڭىز، سەبەبى، قاتتى ىستىقتان كوڭىل كۇي تومەندەپ ادام ءوزىن ءوزى ناشار سەزىنۋى مۇمكىن جانە رەاكسيا تومەندەيدى.

- بالالاردى اۆتو كولىكتەردىڭ ىشىنە از ۋاقىتقا بولسا دا قالدىرماڭىز. قاتتى ىستىقتان بالا ەسىنەن تانىپ قالۋى مۇمكىن.

- ەگەر ءسىز توتەنشە جاعدايعا تاپ بولساڭىز جانە ءسىزدىڭ ومىرىڭىزگە قاۋىپ تونگەندەي جاعداي بولسا، «112»، «101» ءبىرىڭعاي قۇتقارۋ قىزمەتىنە قوڭىراۋ شالىڭىز (قوڭىراۋ شالۋ تەگىن).


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات