سالىق بەرەشەگى بار شوتتار قانداي جاعدايدا بۇعاتتالمايدى
بيىل 1 قاڭتاردان باستاپ پاندەميادان زارداپ شەككەن 114 قىزمەت تۇرىنە بولشەك سالىقتىڭ ارنايى 2 جىلدىق سالىق رەجيمى ەنگىزىلگەن بولاتىن. ۇلتتىق ەكونوميكا مينيسترلىگى باسپا ءسوز قىزمەتىنىڭ حابارلاۋىنشا، بۇل مەرزىم قوعامدىق تاماقتانۋ سالاسى ءۇشىن 2023-2025 -جىلدار ارالىعىندا قامتيدى. سالىق ستاۆكاسى %6 مولشەرىندە بەلگىلەنگەن. رەجيمنىڭ باستى ەرەكشەلىگى - رەجيمدى تولەۋشىلەر قوسىلعان قۇن سالىق پەن الەۋمەتتىك سالىقتى تولەمەيدى. مۇنىڭ ءبارى سالىق كودەكسىنە ەنگىزىلگەن وزگەرىستەر مەن تولىقتىرۋلاردىڭ ارقاسىندا مۇمكىن بولىپ وتىر.
«زاڭمەن سالىقتىق اكىمشىلەندىرۋ بولىگىندە سالىق تولەۋشىلەردىڭ قىزمەتىنە وڭ اسەر ەتەتىن نورمالار قابىلداندى. مىسالى، 6 ايلىق ەسەپتىك كورسەتكىش نەمەسە 17502 تەڭگە سالىق بەرەشەگىنىڭ شەكتى مولشەرى بەلگىلەنگەن. ودان تومەن بولسا شوتتارعا تىيىم سالىنبايدى»، - دەپ جازىلعان تۇسىندىرمەدە.
كودەكسكە ەنگىزىلگەن تۇزەتۋلەر بوىنشا بانكتەرگە سالىق تولەۋشى قارىزدى تولەگەننەن كەيىن بىردەن شوت اشۋ قۇقىعى بەرىلدى. بۇل سالىق بەرەشەگى وتەگەن شوتتاردىڭ جىلدام اشىلۋىنا مۇمكىندىك بەرەدى.
«مەملەكەت باسشىسىنىڭ ۇكىمەتتىڭ 1-ساۋىردەگى كەڭەيتىلگەن وتىرىسىندا بەرگەن تاپسىرمالارىن ورىنداۋ ءۇشىن 2021 -جىلعى 1-ساۋىردەن باستاپ 1-شىلدەگە دەيىن زارداپ شەككەن سالالاردا ەڭبەكاقى تولەۋ قورىنان جەكە تابىس سالىق جانە الەۋمەتتىك سالىق تولەۋدى كەيىنگە قالدىرۋ ەنگىزىلدى. بۇل ەرەجە بولشەك سالىق رەجيمى ءۇشىن انىقتالعان 114 قىزمەت تۇرىنە قولدانىلۋى مۇمكىن. پاندەمياعا بايلانىستى شەكتەۋ شارالارىنا بايلانىستى 2019-جانە 2020 -جىلدارعا رەزيدەنتتىك سەرتيفيكاتىن ۇسىنۋ مەرزىمى 2021 -جىلعى 31-جەلتوقسانعا دەيىن ۇزارتىلدى»، - دەپ جازادى ۇلتتىق ەكونوميكا مينيسترلىگىنىڭ ماماندارى.
اتالعان قادام شەكتەۋ شارالارى كەزەڭىندە قوسارلانعان سالىق سالۋدى بولدىرماۋعا باعىتتالعان. ويتكەنى شەت ەلدەردە كارانتيندىك شارالاردى ەنگىزۋ سەبەبىنەن قۇجاتتاردى ۇسىنۋ قيىن.
«وسىلايشا، قابىلدانعان شارالار دەر كەزىندە ىسكە استى. بيزنەس سۋبەكتىلەرىنىڭ اينالىم قاراجاتىن ۇلعايتۋعا جانە ولاردى باسقا وندىرىستىك شىعىستارعا باعىتتاۋعا، سالىق مىندەتتەمەلەرىن ورىنداۋدى جەڭىلدەتۋگە مۇمكىندىك بەرەدى»، - دەپ جازىلعان رەسمي اقپاراتتا.