22:28, 29 - ماۋسىم 2021 | GMT +6
قازاقستان شەكاراسىنان زاڭسىز وتكەن ازامات ۇستالدى
اقتاۋ. قازاقپارات - ماڭعىستاۋدا شەكارادان زاڭسىز وتكەن وزبەكستان ازاماتى ۇستالدى، دەپ حابارلايدى قازاقپارات ءتىلشىسى.
قۇقىق بۇزۋشى سوتتىڭ سانكسياسىمەن ۋاقىتشا يزولياتورعا قامالدى. ماڭعىستاۋ وبلىستىق پوليتسيا دەپارتامەنتىنىڭ باسپا ءسوز قىزمەتىنىڭ حابارلاۋىنشا، وزبەكستان ازاماتىن مەملەكەتتىك شەكارانى زاڭسىز كەسىپ ءوتۋ كەزىندە ماڭعىستاۋلىق شەكاراشىلار ۇستاعان.
«اتالعان فاكتى بويىنشا ق ر ق ك 392- بابى - «قازاقستان رەسپۋبليكاسىنىڭ مەملەكەتتىك شەكاراسىن قاساقانا زاڭسىز كەسىپ ءوتۋ» بابى بويىنشا قىلمىستىق ءىس قوزعالدى»، - دەلىنگەن وبلستىق پوليتسيا دەپارتامەنتىنىڭ باسپا ءسوز قىزمەتى تاراتقان اقپاراتتا.
الدىن الا مالىمەت بويىنشا مەملەكەتتىك شەكارانى كەسىپ ءوتىپ، قازاقستانعا كىرمەكشى بولعان شەتەل ازاماتى دەسترۋكتيۆتى ءدىني اعىمنىڭ جاقتاۋشىسى بولىپ تابىلادى.