اقمولا وبلىسىندا ايماقتىق «ارقانىڭ ءان دارياسى» ءداستۇرلى انشىلەر بايقاۋى ءوتتى

كوكشەتاۋ. قازاقپارات - اقمولا وبلىسىندا ايماقتىق «ارقانىڭ ءان دارياسى» ءداستۇرلى انشىلەر بايقاۋى ءوتتى، دەپ حابارلايدى قازاقپارات ءتىلشىسى وبلىستىق مادەنيەت، ارحيۆتەر جانە قۇجاتتامالار باسقارماسىنا سىلتەمە جاساپ.

ستەپنوگورسك قالاسىنداعى «گورنياك» ورتالىقتاندىرىلعان مادەنيەت سارايىندا ۇيىمداستىرىلعان بايقاۋ «رۋحاني قازىنا-2021» رەسپۋبليكالىق فەستيۆالىنىڭ «قازاقستاننىڭ مادەني استاناسى» ءىس-شارالار جوسپارى اياسىندا قازاقستان رەسپۋبليكاسى تاۋەلسىزدىگىنىڭ 30 جىلدىعىنا ارنالدى.

«ونەر دوداسىنا نۇر-سۇلتان قالاسى، سولتۇستىك قازاقستان، پاۆلودار، اقمولا وبلىستارىنان 20 مەن 40 جاس ارالىعىنداعى ءداستۇرلى انشىلەر قاتىسىپ، ءبىرجان سال، اقان سەرى، بالۋان شولاق، ءيمانجۇسىپ قۇتپان ۇلى جانە ۇكىلى ىبىرايدىڭ شىعارمالارىن ورىندادى.

بايقاۋعا ءبىرجان سال اتىنداعى مۋزىكالىق كوللەجىنىڭ ديرەكتورى سايان مۇحامەديار، پرەزيدەنت وركەسترىنىڭ سوليسى، حالىقارالىق بايقاۋلاردىڭ لاۋرەاتى ايزات قارابەكوۆا، ق ر ەڭبەك سىڭىرگەن ءارتىسى، ءداستۇرلى ءانشى بيسارا ماكەنوۆا قازىلىق ەتتى»، - دەدى ۆەدومستۆودان.

بايقاۋ قورىتىندىسى بويىنشا قازىلار القاسىنىڭ جوعارى باعاسىنا يە بولعان دەنيسلامبەك جايلاۋباي (ارشالى اۋدانى) باس جۇلدەنى ەنشىلەدى.

ال، ايبالا بەيسەنوۆا (سەلينوگراد اۋدانى) جۇلدەلى ءبىرىنشى ورىنعا يە بولسا، ەكىنشى ورىندى تولەگەن امانوۆ (كوكشەتاۋ ق.) جەڭىپ الدى.

سولتۇستىك قازاقستان وبلىسىنان كەلگەن عالىمجان نۇرپەيىسوۆ ءۇشىنشى ورىندى يەلەندى.

جەڭىمپازدار ديپلوم جانە باعالى سىيلىقتارمەن ماراپاتتالدى. بايقاۋ ۇيىمداستىرۋشىلارى بارلىق قاتىسۋشىلارعا «رۋحاني قازىنا-2021» ەستەلىك كادەسىيلارىن تابىس ەتتى.