+7 (701) 759 90 19
3 °С : نۇر-سۇلتان
17 °С : الماتى
USD 425.3 EUR 501.05
RUB 5.85 CNY 65.88
جاڭالىقتار

الماتىدا اپتاپ ىستىق بولادى

29 ماۋسىم 19:54
:ءبولىسۋ
الماتىدا اپتاپ ىستىق بولادى

الماتى. قازاقپارات - الماتى قالالىق توتەنشە جاعدايلار دەپارتامەنتى قازگيدرومەتكە سىلتەمە جاساپ اۋا رايىنا قاتىستى ەسكەرتۋ جاريالادى، دەپ حابارلايدى قازاقپارات ءتىلشىسى.

30- ماۋسىمدا الماتىدا سىناپ باعاناسى 35 گرادۋسقا دەيىن كوتەرىلەدى. كۇن قاتتى ىستىق بولۋى ىقتيمال.

وسىعان بايلانىستى، ت ج د تومەندەگى قاۋىپسىزدىك شارالارىن ساقتاۋدى ۇسىنادى:

- كۇن ساۋلەسى تىكەلەي تۇسەتىن جەرلەردە مۇمكىندىگىنشە از بولۋعا تىرىسىڭىز. ەسكە سالا كەتسەك، ساعات 12:00 دەن 16:00 گە دەيىنگى ۋاقىتتا كۇننىڭ ساۋلەسى بەلسەندى بولادى. دەنەنى كۇن ساۋلەسىنەن قورعاپ، جابىق كيىم كيىڭىز جانە كۇنەن قورعايتىن سىقپا ماي قولدانىڭىز؛

- ىشىمدىك ىشپەڭىز - الكوگول ىستىقتا اعزاعا تەز اسەر ەتەدى جانە دەنە جوعارى تەمپەراتۋراعا سەزىمتال بولادى؛

- سۇيىقتى (سالقىنداتىلعان سۋ، مينەرالدى سۋ) مۇمكىندىگىنشە كوپ ءىشىڭىز؛

- دەنەگە سالماق تۇسىرمەڭىز. كۇشتى جۇكتەمە ىستىقتا جىلۋ الماسۋدى ارتتىرادى دا اعزانى سۋسىزدانۋعا اكەلىپ سوقتىرادى؛

- اۆتوكولىكپەن ۇزاق ساپاردى شەكپەۋىڭىز كەرەك. ەگەر بۇل مۇمكىن بولماسا، جولدا اباي بولىڭىز، سەبەبى، قاتتى ىستىقتان كوڭىل كۇي تومەندەپ ادام ءوزىن ءوزى ناشار سەزىنۋى مۇمكىن جانە رەاكتسيا تومەندەيدى؛

- بالالاردى كولىكتىڭ ىشىنە از ۋاقىتقا بولسا دا قالدىرماڭىز. قاتتى ىستىقتان بالا ەسىنەن تانىپ قالۋى مۇمكىن؛

- ەگەر ءسىز توتەنشە جاعدايعا تاپ بولساڭىز جانە ومىرىڭىزگە قاۋىپ تونسە، «112»، «101» ءبىرىڭعاي قۇتقارۋ قىزمەتىنە قوڭىراۋ شالىڭىز (قوڭىراۋ شالۋ تەگىن).


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات