شەتەلدەگى قانداستارىمىزعا «وتانعا بارار جول» بايقاۋى جاريالاندى

نۇر-سۇلتان. قازاقپارات - شەتەلدە تۇراتىن وتانداستارىمىزدىڭ اراسىندا جوعارى ءبىلىم الۋعا ارنالعان «وتانعا بارار جول» بايقاۋى جاريالاندى.

بۇل تۋرالى حالىقارالىق ءبىلىم بەرۋ كورپوراتسياسىنىڭ رەكتورى مارگاريتا يماندوسوۆا ايتتى، دەپ حابارلايدى قازاقپارات ءتىلشىسى.

«بيىلدان باستاپ حالىقارالىق ءبىلىم بەرۋ كورپوراتسياسى «Da Vinci Code «، «American Education Challenge « ، «KAU Challenge « ، «Connecting Challenge « سياقتى رەسپۋبليكالىق وليمپيادالاردىڭ ناتيجەلەرى بويىنشا مەكتەپ پەن كوللەدجدەردىڭ ەڭ دارىندى تۇلەكتەرى ءۇشىن 100 دەن استام ىشكى گرانت ءبولىپ وتىر. ال، وليمپيادانىڭ بارلىق قاتىسۋشىلارىنا ارنايى جەڭىلدىكتەر قاراستىرىلعان. سونىمەن قاتار تالاپكەرلەرگە ۇ ب ت قورىتىندى ۇپايلارى بويىنشا بارلىق وقۋ كەزەڭىنە 100 پايىزعا دەيىن جەڭىلدىكتەر بەرىلەدى»، - دەدى ول ورتالىق كوممۋنيكاتسيالار قىزمەتىندە وتكەن بريفينگ بارىسىندا.

مۇنان بولەك مارگاريتا يماندوسوۆا حالىقارالىق ءبىلىم بەرۋ كورپوراتسياسىندا ەكى جانە ودان دا كوپ بالاسى بار وتباسىلار، ح ب ك ءبىلىم بەرۋ ۇيىمدارىندا وقيتىن بىلىمگەرلەر ءۇشىن ارنايى جەڭىلدىكتەر، سونىمەن قاتار ح ب ك- دا جۇمىس ىستەيتىن قىزمەتكەرلەردىڭ بالالارى ءۇشىن، اكادەميالىق ۇلگەرىمى جوعارى ستۋدەنتتەر ءۇشىن، كوپ بالالى جانە از قامتىلعان وتباسىلاردان شىققان بىلىمگەرلەر ءۇشىن ارنايى جەڭىلدىكتەر قاراستىرىلعانىن ايتتى.

«ح ب ك- دا اقىلى نەگىزدە وقيتىن، ءبىراق ءار ءتۇرلى الەۋمەتتىك جانە ماتەريالدىق جاعدايلارعا بايلانىستى وقۋ اقىسىن تولەۋگە مۇمكىندىگى جوق دارىندى ماگيسترانتتار مەن بىلىمگەرلەرگە «Scholarships« ارنايى شاكىرتاقىسى قاراستىرىلعان. وسى جىلى ءبىز «وتانعا بارار جول« بايقاۋىن ۇيىمداستىرۋعا شەشىم قابىلدادىق»، - دەدى كوروپوراتسيا رەكتورى.