قازاقستان مەن بەلارۋس پرەمەر-مينيسترلەرى ىنتىماقتاستىق ماسەلەلەرىن تالقىلادى

نۇر-سۇلتان. قازاقپارات - پرەمەر-ءمينيسترى اسقار مامين قازاقستانعا جۇمىس ساپارىمەن كەلگەن بەلارۋس رەسپۋبليكاسىنىڭ پرەمەر-ءمينيسترى رومان گولوۆچەنكومەن كەلىسسوز جۇرگىزدى.

بۇل تۋرالى قازاقپارات ق ر ۇكىمەتىنىڭ باسپا ءسوز قىزمەتىنە سىلتەمە جاساپ حابارلايدى.

ۇكىمەت باسشىلارى ساۋدا-ەكونوميكالىق، اۋىل شارۋاشىلىعى، ەنەرگەتيكا، كولىك-لوگيستيكا، قۇرىلىس سالالارىنداعى ىنتىماقتاستىقتىڭ، ونەركاسىپتىك كووپەراتسيا مەن ءبىلىم بەرۋدىڭ، سونداي-اق وڭىرلىك ءوزارا ءىس-قيمىلدىڭ وزەكتى ماسەلەلەرىن تالقىلادى.

قوستاناي قالاسىندا ا. مامين مەن ر. گولوۆچەنكو اۋىل شارۋاشىلىعى ماشيناسىن جاساۋ ونىمدەرىنىڭ بىرلەسكەن ءوندىرىسىن دامىتۋ جوبالارىمەن تانىستى.

«اگروماشحولدينگ KZ» ا ق بازاسىندا ءوندىرىس كولەمىن جىلىنا 1 مىڭ بىرلىككە دەيىن ۇلعايتا وتىرىپ، «گومسەلماش» زاۋىتىنىڭ تەحنولوگياسى بويىنشا «ەسىل» كومبايندارىن قۇراستىرۋ جۇمىستارى جۇرگىزىلۋدە.

بۇل رەتتە قىسقا مەرزىمدى كەزەڭدە ءونىمدى جەرگىلىكتەندىرۋ دەڭگەيى %60 عا دەيىن جەتكىزىلەدى. ەكى ەلدىڭ ۇكىمەت باسشىلارى «م ت ز قازاقستان» كاسىپورنىنىڭ دامۋ جوسپارلارىمەن تانىستى. زاۋىتتا جاڭا كورپۋستاردىڭ قۇرىلىسى ءجۇرىپ جاتىر، بۇل ءوندىرىس كولەمىن جىلىنا 4 مىڭ تراكتورعا دەيىن ارتتىرۋعا مۇمكىندىك بەرەدى. قوستاناي قالاسىنداعى «اگروماشحولدينگ KZ» ا ق لوكاليزاتسيالاۋ ورتالىعىنىڭ بازاسىندا «كۋۆو» بەلارۋس كومپانياسىمەن بىرلەسىپ، 2022-جىلدىڭ سوڭىندا جىلىنا 30 مىڭ جيىنتىق كولەمىندە اۋىل شارۋاشىلىعى جانە اۆتوموبيل تەحنيكاسىنا ارنالعان كوپ قاباتتى شىنى پاكەتتەر ءوندىرىسىن اشۋ جانە ونى كەمىندە %70 دەڭگەيدە جەرگىلىكتەندىرۋ كوزدەلگەن.

قوستاناي قالاسىندا «بەلكارپلاستيك» ج ش ق- مەن بىرلەسىپ، ماشينا جاساۋ سالاسى ءۇشىن كومپوزيتسيالىق ماتەريالداردان جاسالعان بۇيىمدار ءوندىرىسى اشىلادى. ا و ك سالاسىندا تاراپتار بەلارۋس تەحنولوگيالارىن تارتا وتىرىپ، قازاقستاندا ءسۇت-تاۋار فەرمالارىن سالۋ بويىنشا ىنتىماقتاستىقتى دامىتۋدى كوزدەپ وتىر. ەكى ەلدىڭ ىسكەر توپتارى وكىلدەرىنىڭ وتكەن كەزدەسۋلەرى بارىسىندا ءتيىستى ۋاعدالاستىقتارعا قول جەتكىزىلدى. قۇرىلىس يندۋسترياسىندا بىرلەسكەن جوبالاردى ىسكە اسىرۋ بويىنشا ۋاعدالاستىقتارعا قول جەتكىزىلدى.

ماسەلەن، «بەلۆۋددوورس» كومپانياسى مەن «سامۇرىق-قازىنا كونستراكشن» ج ش س نۇر-سۇلتان قالاسىنىڭ يندۋستريالىق ايماعىندا قۋاتتىلىعى جىلىنا 250 مىڭ ەسىك ءوندىرىسىن اشۋعا نيەتتى.

جوبا قۇنى - 5,5 ميلليارد تەڭگە. بۇدان ءارى وسىنداي جوبانى الماتى قالاسىندا ىسكە اسىرۋ جوسپارلانعان. سونداي-اق قازاقستاندا قۋاتتىلىعى 2 ميلليون ²m بولاتىن كەراميكالىق پليتالاردىڭ بىرلەسكەن ءوندىرىسى اشىلادى.

كەلىسسوزدەر قورىتىندىسى بويىنشا بەلارۋس رەسپۋبليكاسىنا مۇناي جانە مۇناي ونىمدەرىن جەتكىزۋ سالاسىنداعى ساۋدا-ەكونوميكالىق ىنتىماقتاستىق تۋرالى ۇكىمەتارالىق كەلىسىمگە قول قويىلدى.

ەكى ەلدىڭ پرەمەر-مينيسترلەرى قوستاناي قالاسىنداعى «سارىارقا اۆتو ونەركاسىپ» ج ش س وندىرىستىك الاڭىندا، سونداي-اق تەمىر كەنىن، دولوميتتى، اكتاستى، قۇرىلىس شاعىلتاسىن قايتا وڭدەيتىن ق ر ءىرى كاسىپورنى - رۋدنىي قالاسىنداعى «سوكولوۆ-سارىباي تاۋ-كەن بايىتۋ وندىرىستىك بىرلەستىگى» ا ق- دا بولدى.

نۇر- سۇلتان قالاسىندا ەكى ەلدىڭ ۇكىمەت باسشىلارى ModeX مودۋلدىك ءۇي قۇرىلىسى زاۋىتىندا، «لوكوموتيۆ قۇراستىرۋ زاۋىتى» ا ق- دا، «استانا» حالىقارالىق قارجى ورتالىعىندا جانە باسقا دا نىسانداردا بولدى.