+7 (701) 759 90 19
21 °С : نۇر-سۇلتان
28 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

اۋعانستاننىڭ قارۋلى اسكەريلەرى وزبەكستان اۋماعىنا ءوتىپ كەتكەن

24 ماۋسىم 22:43
:ءبولىسۋ
اۋعانستاننىڭ قارۋلى اسكەريلەرى وزبەكستان اۋماعىنا ءوتىپ كەتكەن

تاشكەنت. قازاقپارات - اۋعان شەكارا اسكەرلەرىنىڭ قارۋلى جاساق جاۋىنگەرلەرى وزبەكستان اۋماعىنا ءوتتى، دەپ حابارلايدى قازاقپارات ءتىلشىسى وزبەكستان سىرتقى ىستەر مينيسترلىگىنە سىلتەمە جاساپ.

بۇگىن وزبەكستان سىرتقى ىستەر مينيسترلىگى اۋعانستاننىڭ اسكەري توپتىڭ شەكارانى زاڭسىز كەسىپ وتكەنى تۋرالى مالىمدەمە جاسادى.

«2021-جىلدىڭ 23- ماۋسىمىندا اۋعانستان شەكارا اسكەرلەرىنىڭ 53 اسكەري قىزمەتەرى مەن جەرگىلىكتى جاساق جاۋىنگەرلەرى شورتەپ ۋەزى اۋماعىندا وزبەكستان اۋماعىنا ءوتتى. قاجەتتى انىقتاۋ راسىمدەرى مەن تەرگەۋ ءىس-ارەكەتتەرى جۇرگىزىلگەننەن كەيىن اتالعان اۋعان ازاماتتارى كەرى قايتارىلدى. وزبەكستان اۋماعىنا زاڭسىز كىرۋگە شەكتەۋ قويىلىپ، شەكارانى بۇزۋشىلارعا قاتىستى قاتاڭ شارالار قابىلدانادى»، - دەلىنگەن حابارلامادا.

سىرتقى ىستەر مينيسترلىگى وزبەكستاننىڭ اۋعانستانمەن ءداستۇرلى دوستىق جانە تاتۋ كورشىلىك قارىم-قاتىناستارىن قولداۋعا، بەيتاراپتىقتى ساقتاۋعا جانە كورشى ەلدىڭ ىشكى ىسىنە ارالاسپاۋعا شاقىردى.

«كورشى ەلدەگى جاعدايدىڭ ۋشىعۋى الاڭداۋشىلىق تۋدىرادى. كوروناۆيرۋس پاندەمياسىنىڭ جاڭا تولقىنى جاعدايىندا شيەلەنىستىڭ كۇشەيۋى اۋعان حالقىنىڭ ءومىرىن قيىنداتادى. جانجالعا تارتىلعان بارلىق تاراپتى كۇش قولدانۋدان باس تارتۋعا جانە بەيبىت تۇرعىندارعا زارداپ تيگىزبەۋگە شاقىرامىز»، - دەلىنگەن وزبەكستان رەسپۋبليكاسىنىڭ سىرتقى ىستەر مينيسترلىگىنىڭ حابارلاماسىندا.


#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات