كوروناۆيرۋستىڭ ەر ادامدى بەلسىزدىككە اكەلەتىنى دالەلدەندى
ول جاڭالىقتى وقىعان ەل ءىشى ءتىپتى دۇربەلەڭ بوپ كەتتى. سوندىقتان عالىمدار اقپاراتتى عالامتوردان الىپ تاستادى.
كوروناۆيرۋستىڭ بەلسىزدىككە اكەلەتىنى كەيىن دە ايتىلىپ ءجۇردى. ءبىراق ناقتى دالەل بولماعان سوڭ، بولجام كۇيىندە قالعان ەدى.
ەندى، مىنە، ا ق ش تەحاس ۋنيۆەرسيتەتىنىڭ عالىمدارى سەريالى زەرتتەۋ جۇرگىزىپ، بۇل بولجامنىڭ نەگىزىن تاپقان سىڭايلى. امەريكا عالىمدارى SARS- CoV-2 ينفەكسياسى ەر ادامنىڭ ۇرىق جاسۋشالارىن اۋرۋعا شالدىقتىرىپ، جىنىس مۇشەسىنە اسەرىن تيگىزەتىنىن دالەلدى.
عالىمدار مۇنداي تۇجىرىمعا كەلۋ ءۇشىن زەرتحانادا جانۋارعا ەكسپەريمەنت جاساعان ەكەن. ياعني، گەنەتيكالىق جاعىنان ادامعا جاقىن سيريا اتجالمانىنا SARS- CoV-2 ينفەكسياسىن جۇقتىرىپ، باقىلاۋ جاساعان.
«ءبىراز ۋاقىتتان كەيىن كەمىرگىش جانۋاردىڭ ۇرىق جاسۋشاسى اۋرۋعا شالدىققانىن بايقادىق. ۇرىق جاسۋشاسى ۆيرۋسقا رەپليكاتسيا جاساپ، كەيىن زاقىمعا ۇشىرايتىنىن انىقتادىق»، - دەيدى عالىمدار Microorganisms جۋرنالىنا بەرگەن زەرتتەۋ قورىتىندىسىندا.
كوروناۆيرۋس تىنىس جولدارىنىڭ رەسپيراتورلى اسقىنۋىنا اكەلىپ، ادام دەنەسىنىڭ باسقا دا اعزالارىنا زيانىن تيگىزەتىنى بۇعان دەيىن دە ايتىلىپ جۇرگەن ەدى. ءبىراق ناقتى دالەل بولمادى. ەندى، مىنە، ەر ادامنىڭ جىنىس مۇشەسىنە زيانى بارى، تەستوستەرون گورمونىن ازايتىپ جىبەرەتىنى بەلگىلى بولدى.
«ەندى عالىمدار COVID-19 اۋىرىپ، ۇرىعى بۇزىلعان ەر ادامنىڭ سەبەبى SARS- CoV-2 ينفەكسياسىنان دەپ ناقتى ايتا الادى»، - دەيدى تەحاس عالىمدارى.
massaget.kz