+7 (701) 759 90 19
22 °С : نۇر-سۇلتان
27 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

قازاقستان پوليتسەيلەرى بالا وتىرعان كولىكتە شىلىم شەككەندەرگە ايىپپۇل سالاتىن بولدى

24 ماۋسىم 21:33
:ءبولىسۋ
قازاقستان پوليتسەيلەرى بالا وتىرعان كولىكتە شىلىم شەككەندەرگە ايىپپۇل سالاتىن بولدى

نۇر-سۇلتان. قازاقپارات - قازاقستانداعى ۋچاسكەلىك پوليتسيا ينسپەكتورلارىنا بالالار وتىرعان اۆتوموبيل سالونىندا شىلىم شەككەن تۇرعىندارعا ءوز بەتىنشە ايىپپۇل سالۋعا قۇزىرەت بەرىلەدى.

اكىمشىلىك قۇقىق بۇزۋشىلىق تۋرالى كودەكسكە تۇزەتۋلەردى پارلامەنت سەناتى قابىلدادى، - دەپ حابارلايدى Tengrinews.kz ءتىلشىسى.

زاڭ جوباسىندا قۇقىقبۇزۋشىلىقتاردىڭ ءتورت ءتۇرىن قاراۋ جانە جازا قولدانۋ بويىنشا ۋچاسكەلىك ينسپەكتورلاردىڭ وكىلەتتىكتەرى كەڭەيتىلەدى:

كامەلەتكە تولماعانداردىڭ تۇنگى ۋاقىتتا ويىن-ساۋىق مەكەمەلەرىندە ءجۇرۋى؛

كولىك قۇرالدارىندا كامەلەتكە تولماعان بالالار وتىرعان جاعدايدا تەمەكى ونىمدەرىن تۇتىنۋعا تىيىم سالۋ ەرەجەلەرىن بۇزۋ؛

باس بوستاندىعىنان ايىرۋ ورىندارىنان بوساتىلعان ادامنىڭ اكىمشىلىك باقىلاۋ ەرەجەلەرىن نەمەسە وعان قاتىستى سوت بەلگىلەگەن شەكتەۋلەردى ورىنداماۋى؛

كولىك قۇرالدارىنىڭ قوزعالىسىنا قاساقانا كەدەرگى جاساۋ.

سەناتور اندرەي لۋكين ۋچاسكەلىك پوليتسيا قىزمەتكەرلەرىنىڭ وكىلەتتىكتەرى نەگە ءدال وسى تارماقتار بويىنشا تولىققانىن ءتۇسىندىردى.

«مىسال رەتىندە كولىك قوزعالىسىنا كەدەرگى جاساۋ بويىنشا 2020-جىلى 23500 ادام جاۋاپقا تارتىلىپ، اكىمشىلىك حاتتاما تولتىرىلعانىن، بىلتىر ويىن-ساۋىق مەكەمەلەرىندە مىڭعا جۋىق كامەلەتكە تولماعان بالا انىقتالعانىن كەلتىرە الامىن. وسى جىلى 400 گە جۋىق حاتتاما تولتىرىلدى. قازىر ىشكى ىستەر ورگانى باسشىسىنىڭ ورنىنا بۇل قۇزىرەت ۋچاسكەلىك پوليتسيا ينسپەكتورلارىنا بەرىلەدى»، - دەدى لۋكين پالاتا وتىرىسىندا.

ونىڭ ايتۋىنشا، بۇل وكىلەتتىكتەر كوبىنە اۋىلدىق جەرلەر ءۇشىن قاراستىرىلعان.

«ءبىز ەلدى مەكەندەر، جەكەلەگەن اۋىلدار اۋدان ورتالىعىنان الىس ورنالاسقان دەپ بولجايمىز. سوندىقتان حاتتاما بويىنشا شەشىم شىعارۋ ءۇشىن قۇقىق بۇزۋشىنى ورتالىققا جەتكىزۋ ءۇشىن كوپ ۋاقىت پەن قاراجات جۇمسالادى. ۋچاسكەلىك پوليتسيا ينسپەكتورى ءوزىنىڭ اكىمشىلىك ۋچاسكەسىنىڭ ورنىندا قانداي دا ءبىر بيۋروكراتياسىز دالەلدەرمەن حاتتاما جاسايدى جانە اكىمشىلىك جاۋاپقا تارتۋ جونىندە شەشىم شىعارادى»، - دەدى ول.

قولدانىستاعى حالىق دەنساۋلىعى جانە دەنساۋلىق ساقتاۋ جۇيەسى تۋرالى كودەكسكە سايكەس، قازاقستاندا تەمەكى ونىمدەرىن، قىزدىرىلاتىن تەمەكىسى بار ونىمدەردى، كاليانعا ارنالعان تەمەكىنى، كاليان قوسپاسىن، تەمەكىنى قىزدىرۋعا ارنالعان جۇيەلەردى، ەلەكترون تۇتىنۋ جۇيەلەرىن كولىكتە كامەلەتكە تولماعان بالالار وتىرعان كەزدە قولدانۋعا تىيىم سالىنادى. ول ءۇشىن 15 ا ە ك مولشەرىندە ايىپپۇل سالىنادى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات