+7 (701) 759 90 19
21 °С : نۇر-سۇلتان
28 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

ەلوردادا سيريا ماسەلەسى بويىنشا جوعارى دەڭگەيدەگى كەزدەسۋ وتەدى

24 ماۋسىم 22:59
:ءبولىسۋ
ەلوردادا سيريا ماسەلەسى بويىنشا جوعارى دەڭگەيدەگى كەزدەسۋ وتەدى

نۇر-سۇلتان. قازاقپارات - 2021-جىلعى 7-8- شىلدەدە نۇر-سۇلتان قالاسىندا استانا فورماتىندا سيريا بويىنشا جوعارى دەڭگەيدەگى 16-حالىقارالىق كەزدەسۋ وتەدى.

بۇل تۋرالى قازاقپارات سىرتقى ىستەر مينيسترلىگىنە سىلتەمە جاساپ حابارلايدى.

الداعى كەزدەسۋدە كەپىلگەر ەلدەر - يران، رەسەي جانە تۇركيا، سونداي-اق سيريانىڭ ۇكىمەتى مەن قارۋلى وپپوزيتسياسى وكىلدەرىنىڭ قاتىسۋى جوسپارلانۋدا. باقىلاۋشىلار رەتىندە ب ۇ ۇ، يوردانيا، يراق پەن ليۆاننىڭ جوعارى دەڭگەيدەگى وكىلدەرى قاتىسادى.

كەلىسسوزدەردىڭ كۇن تارتىبىنە كەلەسى ماسەلەلەر كىرەدى:

سيرياداعى، ونىڭ ىشىندە الەۋمەتتىك-ەكونوميكالىق جانە سانيتارلىق-ەپيدەميولوگيالىق احۋال؛

سيرياعا حالىقارالىق ىزگىلىك كومەك كورسەتۋ؛

جەنيەۆاداعى سيريالىق كونستيتۋتسيالىق كوميتەت جۇمىسىنىڭ جاندانۋ پەرسپەكتيۆالارى؛

تاراپتار اراسىنداعى سەنىمدى نىعايتۋ، ونىڭ ىشىندە تۇتقىندارمەن الماسۋ، كەپىلگە الىنعانداردى بوساتۋ جانە ءىز-ءتۇسسىز جوعالعانداردى ىزدەۋ.

كەلىسسوزدەردىڭ ءبىرىنشى كۇنى ەكىجاقتى جانە كەپىلگەر ەلدەردىڭ ءۇشجاقتى كونسۋلتاتسيالارىن، سيريالىق تاراپتارمەن كەلىسسوزدەر، باقىلاۋشى تاراپتاردىڭ دەلەگاتسيالارىمەن بايلانىستار، ال ەكىنشى كۇنى كونسۋلتاتسيالاردى جالعاستىرۋ جانە جالپى وتىرىس وتكىزۋ جوسپارلانۋدا.

سونىمەن قاتار كەپىلگەر ەلدەردىڭ، بۇۇ جانە حالىقارالىق قىزىل كرەست كوميتەتى ساراپشىلارىنىڭ قاتىسۋىمەن ماجبۇرلەپ ۇستالىپ وتىرعان تۇلعالار بويىنشا جۇمىس توبىنىڭ كەزەكتى وتىرىسى جوسپارلانۋدا.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات