يندونەزيا پرەزيدەنتىنىڭ باسپا ءسوز حاتشىسى ديماشقا العىس ايتتى

نۇر-سۇلتان. قازاقپارات - يندونەزيا پرەزيدەنتىنىڭ باسپا ءسوز حاتشىسى فادجرۋل راحمان ديماشقا ونىڭ شىعارماشىلىعى ءۇشىن العىسىن ءبىلدىردى.

بۇل تۋرالى قازاقپارات https://dimashnews.com سايتىنا سىلتەمە جاساپ حابارلايدى.

24- ماۋسىمدا يندونەزيا پرەزيدەنتىنىڭ باسپا ءسوز حاتشىسى فادجرۋل راحمان ءوزىنىڭ رەسمي Instagram-پاراقشاسىندا ديماشتىڭ ورىنداۋىنداعى «late Autumn» («كەش كەلگەن كۇز») ءانىنىڭ بەينەكورىنىسىن جاريالادى.

يندونەزيالىق مەملەكەت قايراتكەرىن قازاقستاندىق ءانشىنىڭ وسىنداي كەرەمەت كومپوزيتسيانى ورىنداۋى تاڭ قالدىردى.

«ديماشقا اتى اڭىزعا اينالعان «late Autumn» ءانى ءۇشىن ۇلكەن راحمەت! بۇل كەرەمەت جوعارى نوتالار. مەن ءۇشىن بۇل مەنىڭ وتانىم تۋرالى ءان. راحمەت!»، - دەدى ول.

فادجرۋل راحمان - 2019-جىلدان باستاپ يندونەزيا پرەزيدەنتىنىڭ باسپا ءسوز حاتشىسى.

بۇل قىزمەتكە كىرىسپەس بۇرىن ول قوعام بەلسەندىسى، ساياساتكەر جانە جازۋشى رەتىندە تانىمال بولعان.

ەسكە سالساق، يندونەزياداعى جانكۇيەرلەرى ديماشتىڭ ءانىن ۇلتتىق اسپاپتاردا ورىنداعان ەدى.