اۋىل اكىمدەرىن سايلاۋ: كوميسسيا مۇشەلەرىنىڭ جالاقىسى قانشا؟
بۇل تۋرالى ق ر ورتالىق سايلاۋ كوميسسياسىنىڭ حاتشىسى ءسابيلا مۇستافينا ايتتى، دەپ حابارلايدى قازاقپارات ءتىلشىسى.
«سايلاۋ ناۋقانى كەزەڭىندە سايلاۋ كوميسسيالارىنىڭ مۇشەلەرىنە سايلاۋدى وتكىزۋگە بولىنگەن قاراجات ەسەبىنەن ەڭ تومەنگى ءۇش ايلىق مولشەرىندە جالاقى بەلگىلەنەدى. ول جالپى العاندا 127,5 مىڭ تەڭگەنى قۇرايدى. بۇعان قوسا، سايلاۋعا دايىندىق جانە ونى وتكىزۋ كەزەڭىندە مەملەكەتتىك قىزمەتشى سانالاتىن كوميسسيا مۇشەلەرى نەگىزگى جۇمىسىنان بوساتىلادى جانە نەگىزگى جۇمىس ورنىنداعى ورتاشا جالاقىسى ساقتالادى»، - دەدى ءسابيلا مۇستافينا و س ك وتىرىسىندا.
سونىمەن قاتار ول سايلاۋ كوميسسيالارىنىڭ مۇشەلەرى، ونىڭ ىشىندە مەملەكەتتىك قىزمەتشىلەر دەمالىس جانە مەيرام كۇندەرى، تۇندە جۇمىس ىستەگەندەرى ءۇشىن قوسىمشا ۇستەمە اقى الادى. بۇل ۇستەمەاقى دا سايلاۋدى وتكىزۋگە بولىنگەن قاراجات ەسەبىنەن تولەنەدى.