+7 (701) 759 90 19
21 °С : نۇر-سۇلتان
28 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

توتەنشە جاعدايلار ءمينيسترى سۋبۇرقاقتان بالالاردى قۇتقارعان ستۋدەنتتى ماراپاتتادى

24 ماۋسىم 18:59
:ءبولىسۋ
توتەنشە جاعدايلار ءمينيسترى سۋبۇرقاقتان بالالاردى قۇتقارعان ستۋدەنتتى ماراپاتتادى

نۇر-سۇلتان. قازاقپارات - الماتى فونتانىندا توق سوققان بالالاردى قۇتقارعان ساتبايەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتىنىڭ 2-كۋرس ستۋدەنتى ابىلاي بالاپانوۆ ق ر توتەنشە جاعدايلار ءمينيسترى يۋري يليننىڭ بۇيرىعىمەن «توتەنشە جاعدايداعى ەرلىگى ءۇشىن» توسبەلگىسىمەن ماراپاتتالدى، دەپ حابارلايدى قازاقپارات.

ماراپاتتى ق ر توتەنشە جاعدايلار ءبىرىنشى ۆيتسە-ءمينيسترى يبراگيم كۇلشىمبايەۆ تابىستادى.

«توتەنشە جاعدايلار ءمينيسترىنىڭ اتىنان سىزگە بەلسەندى ازاماتتىق ۇستانىمىڭىز ءۇشىن ريزاشىلىعىمدى بىلدىرەمىن! ءسىز - بۇگىنگى كۇننىڭ باتىرى اتاعىنا لايىقتىسىز. سىن ساعاتتا ەكىنىڭ ءبىرى ءسىز سياقتى ادام ءومىرىن ساقتاۋمەن قاتار، ءوز ءومىرىن قاۋىپكە تىگىپ، جەدەل شەشىم قابىلداي المايتىن ەدى»، - دەدى ءبىرىنشى ۆيتسە-مينيستر.

ەسكە سالا كەتەيىك، الماتىدا 19- ماۋسىم كۇنى ابىلاي سۋبۇرقاقتىڭ جانىنداعى ورىندىقتا كىتاپ وقىپ وتىرعان بولاتىن. ايعاي-شۋ مەن كومەك سۇراعان داۋىستاردى ەستىگەن جاس جىگىت فونتان ىشىندە توق ۇرىپ جاتقان ادامداردى كوردى. ءوز ءومىرى مەن دەنساۋلىعىنا قاۋىپ تونگەنىنە قاراماستان، ابىلاي ەش ويلانباستان ادامداردى قۇتقارۋعا كىرىسكەن.

ونىڭ ايتۋىنشا، ەكى ادامدى قۇتقارۋ كەزىندە ءوزىن دە ەلەكتر توعى قاتتى سوققان. ستۋدەنت ءوز-وزىنە كەلىپ ەسىن جيعانشا، سول ماڭدا كەزدەيسوق بولعان 40-45 جاستاعى بەلگىسىز ەر ادام تاعى ءبىر قىزدى قۇتقارىپ قالعان.

سۋ بۇرقاقتا ورىن العان وقىس جاعدايدا زارداپ شەككەندەرگە رەانيماتسيالىق شارالار جاساۋ ءۇشىن (جۇرەككە جاناما ماسساج جانە جاساندى تىنىس الۋ) وقيعا ورنىندا بولعان قالانىڭ جاناشىر تۇرعىندارى دا اتسالىسىپ، كومەك بەرگەن.

ابىلاي بالاپانوۆ پەن اتى-ءجونى بەلگىسىز ەر ادامنىڭ، سونداي-اق وقيعا ورنىندا بولعان قايىرىمدى جانداردىڭ باتىل ارەكەتىنىڭ ارقاسىندا ءۇش ادامنىڭ ءومىرى قۇتقارىلدى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات