ەندى تەمەكى شەگۋگە قاتىستى تىيىم سالۋ تالاپتارىن بۇزعاندارعا ايىپپۇل سالادى

نۇر-سۇلتان. قازاقپارات - پارلامەنت سەناتىنىڭ جالپى وتىرىسىندا «قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە وزگەرىستەر مەن تولىقتىرۋلار ەنگىزۋ تۋرالى» زاڭى ەكى وقىلىمدا قارالىپ، قابىلداندى، دەپ حابارلايدى قازاقپارات ءتىلشىسى.

سەناتور قاناتبەك سافينوۆتىڭ ايتۋىنشا، قۇجات اكىمشىلىك قۇقىق بۇزۋشىلىق تۋرالى زاڭنامانى جەتىلدىرۋگە باعىتتالعان. وندا ەڭبەك ەتۋشىلەردىڭ قۇقىقتارىن قورعاۋ، الاۋلاردا جانە ستاتسيونارلىق كوزدەردە گاز جاعۋدان لاستاعىش زاتتاردىڭ شىعارىندىلارى ءۇشىن ايىپپۇلدى ەسەپتەۋ كەزىندەگى كەمسىتۋشىلىك ءتاسىلدى جويۋ، پروكۋروردىڭ قاۋلىسىن ورىنداماعانى ءۇشىن جاۋاپكەرشىلىك بەلگىلەۋ ەسكەرىلگەن.

ءوز كەزەگىندە سەنات دەپۋتاتى اندرەي لۋكين ءتورت اكىمشىلىك قۇقىق بۇزۋشىلىق بويىنشا جازا قولدانۋ تۇرعىسىندا ۋچاسكەلىك ينسپەكتورعا قوسىمشا قۇقىق بەرۋ ەسكەرىلگەنىن ايتتى. ءوز كەزەگىندە سەنات دەپۋتاتى اندرەي لۋكين ءتورت اكىمشىلىك قۇقىق بۇزۋشىلىق بويىنشا جازا قولدانۋ تۇرعىسىندا ۋچاسكەلىك ينسپەكتورعا قوسىمشا قۇقىق بەرۋ ەسكەرىلگەنىن ايتتى.

بۇل جازالار مىنالارعا قاتىستى:

- كامەلەتكە تولماعانداردىڭ تۇنگى ۋاقىتتا ويىن-ساۋىق ورىندارىندا بولۋىنا جول بەرۋ؛

- تەمەكى ونىمدەرىن شەگۋگە قاتىستى تىيىم سالۋ تالاپتارىن بۇزۋ؛

- اكىمشىلىك باقىلاۋ ەرەجەسىن بۇزۋ؛

- كولىك قۇرالىنىڭ قوزعالىسىنا توسقاۋىل جاساۋ.

«قابىلدانعان زاڭ اكىمشىلىك قۇقىق بۇزۋشىلىق تۋرالى زاڭنامانى ودان ءارى جەتىلدىرۋگە ارنالىپ وتىر. قۇجاتتا ازاماتتاردىڭ ەڭبەك قۇقىقتارىن زاڭنامالىق تۇرعىدان قورعاۋ كوزدەلگەن. سونىمەن قاتار، وسى زاڭ ازاماتتار مەن بيزنەستىڭ مۇددەلەرىن قورعاۋ ءۇشىن پروكۋراتۋرا جانە ىشكى ەستەر ورگاندارى قىزمەتىنىڭ تيىمدىلىگىن ارتتىرۋعا مۇمكىندىك بەرەدى. وسى زاڭعا باستاماشى بولعان پارلامەنت دەپۋتاتتارىنا العىس بىلدىرەمىز»، - دەدى سەنات ءتوراعاسى.

اۆتور: رۋسلان عابباسوۆ