ۇكىمەت قوي ەكسپورتىنا تىيىم سالۋ تۋرالى ۇسىنىستى قارادى

نۇر-سۇلتان. قازاقپارات - بۇگىن ۇكىمەت مۇددەلى مەملەكەتتىك ورگاندارمەن جانە ۇيىمدارمەن بىرلەسىپ، قازاقستاننىڭ قوي وسىرۋشىلەر ۇلتتىق قاۋىمداستىعىنىڭ ءتوراعاسى الماسبەك سادىربايەۆتىڭ ءتىرى ۇساق مالدىڭ ەكسپورتىنا تولىق تىيىم سالۋ تۋرالى ۇسىنىسىن قارادى، دەپ حابارلايدى قازاقپارات ا ش م باسپا ءسوز قىزمەتىنە سىلتەمە جاساپ.

ق ر ستراتەگيالىق جوسپارلاۋ جانە رەفورمالار اگەنتتىگىنىڭ ۇلتتىق ستاتيستيكا بيۋروسىنىڭ دەرەكتەرى بويىنشا اعىمداعى جىلدىڭ باسىندا ۇساق مال باسى 20,05 ميلليون باستى قۇرادى.

2020 -جىلدىڭ قورىتىندىسى بويىنشا ءوسىم 902 مىڭ باستى (%4,7) قۇرادى، بۇل سوڭعى 10 جىلداعى ەڭ جوعارى كورسەتكىش.

اعىمداعى جىلدىڭ باسىنان بەرى ءتول ەسەبىنەن قوي باسى 7,1 ميلليونعا ۇلعايدى، وسىلايشا، اعىمداعى جىلدىڭ 1-ماۋسىمىنا قازاقستاندا 27,1 ميلليون ۇساق مال باسى بار.

ايتا كەتۋ كەرەك، جىل سايىن رەسپۋبليكادا 172,4 مىڭ توننا قوي ەتى وندىرىلەدى. ىشكى نارىقتىڭ قامتاماسىز ەتىلۋى %100,7 دى قۇرايدى. اعىمداعى جىلدىڭ 4 ايىندا بىرىككەن اراب امىرلىكتەرىنە، وزبەكستان، باحرەين جانە رەسەي ەلدەرىنە 538 توننا قوي ەتى ەكسپورتتالدى.

الايدا، قوي شارۋاشىلىعى سالاسىنداعى باسقا قوعامدىق ۇيىمدار قوي ەكسپورتىنا تىيىم سالۋ ماسەلەسى فەرمەرلەردىڭ قارجىلىق جاعدايىنا تەرىس اسەر ەتۋى مۇمكىن ەكەنىن جەتكىزىپ، تىيىم سالۋدۋ ەنگىزبەۋ جونىندە ءوز ۇستانىمدارىن ءبىلدىردى. اعىمداعى جىلى قۇرعاق اۋا رايى جاعدايىنا بايلانىستى وڭتۇستىك وڭىرلەردە ازىق باعاسىنىڭ ءوسۋى بايقالادى.

ءشوپتىڭ ازدىعىنا بايلانىستى فەرمەرلەر ۇلكەن اۋماققا جەم جيناۋعا ءماجبۇر، بۇل جانار- جاعارماي شىعىندارىن جانە جەم باعاسىن ارتتىرادى. وسىلايشا، جەم- ءشوپتى ۋاقتىلى دايىنداۋ جانە ساتىپ الۋ ماقساتىندا فەرمەرلەر تولدەرىن جازعى، كۇزگى كەزەڭدەردە وتكىزۋگە ءماجبۇر بولادى.

سونداي- اق، پاندەمياعا بايلانىستى ەكسپورتتىق نارىقتار تولىق قالپىنا كەلتىرىلمەدى. اۆياتاسىمالداۋ قۇنى 2 ەسە ءوستى. بارلىق وڭىرلەردە ارتىق قوي ەتىن ەكسپورتقا شىعارۋعا مۇمكىندىك بەرەتىن زاماناۋي سەرتيفيكاتتالعان ەت وڭدەۋ كاسىپورىندارى جوق. فەرمەرلەر بۇل قيىن جاعدايدا ءتىرى قويلاردىڭ ەكسپورتىنا تىيىم سالۋ ولاردىڭ قارجىلىق جاعدايىنا تەرىس اسەر ەتەدى دەپ سانايدى. ساتىپ الۋ باعاسىنىڭ تومەن بولۋىنا بايلانىستى فەرمەرلەردىڭ مال باسىن كۇتىپ- باعۋعا جۇمساعان شىعىندارى وتەلمەيدى جانە ولار مال باسىن ۇلعايتۋعا مۇددەلى بولمايدى.

قازىرگى ۋاقىتتا قازاقستاندا اۋىل شارۋاشىلىعى جانە قارجى مينيسترلىكتەرىنىڭ بىرلەسكەن بۇيرىعىنا سايكەس انالىق ۇساق ءمۇيىزدى مال باسىن شىعارۋعا تىيىم سالىنعان. بۇعان دەيىن اۋىل شارۋاشىلىعى مينيسترلىگى قوي شارۋاشىلىعىن دامىتۋ ءۇشىن ارنايى مەملەكەتتىك كومەك كورسەتىلەتىنىن حابارلاعان بولاتىن.

اسىلداندىرۋ جۇمىستارى، اسىل تۇقىمدى مال باسىن ساتىپ الۋ، بورداقىلاۋ الاڭدارىنا نەمەسە ەتتى قايتا وڭدەۋ كاسىپورىندارىنا وتكىزىلگەن قوشقارلاردىڭ قۇنى سۋبسيديالانادى، سونداي- اق شارۋاشىلىقتاردا جانە اۋىل شارۋاشىلىعى كووپەراتيۆتەرىندە انالىق مال باسىن قولدان ۇرىقتاندىرۋ جونىندەگى قىزمەتتەر سۋبسيديالانادى.

تاراپتاردىڭ پىكىرلەرىن ەسكەرە وتىرىپ، ۆەدومستۆوارالىق كوميسسيا ءتىرى