اۋىل اكىمدەرىن سايلاۋعا قانداي جايتتار نەگىز بولادى

نۇر-سۇلتان. قازاقپارات - ق ر ورتالىق سايلاۋ كوميسسياسىنىڭ مۇشەسى ەرلان داۋىلبايەۆ اۋىل اكىمدەرىن سايلاۋ ءۇشىن قانداي جايتتار نەگىز بولاتىنىن ايتتى، دەپ حابارلايدى قازاقپارات ءتىلشىسى.

«سايلاۋ» تۋرالى كونستيتۋتسيالىق زاڭنىڭ 113-1 -بابىنا سايكەس، سايلاۋ تاعايىنداۋ ءۇشىن مىنالار نەگىز بولىپ تابىلادى. ءبىرىنشى - اۋداندىق ماڭىزى بار قالا، اۋىل، كەنت، وكرۋگ اكىمىنىڭ زاڭمەن بەلگىلەنگەن وكىلەتتىلىك مەرزىمىنىڭ اياقتالۋى. ەكىنشى - اۋداندىق ماڭىزى بار قالا، اۋىل، كەنت، وكرۋگ اكىمى وكىلەتتىگىن مەرزىمىنەن بۇرىن توقتاتۋ نەمەسە زاڭدا بەلگىلەنگەن جاعدايلاردا ءتيىستى اكىمشىلىك اۋماقتىق بىرلىكتى قايتا ۇيىمداستىرۋ»، - دەدى ول و س ك وتىرىسىندا.

ونىڭ اتاپ وتۋىنشە، «سايلاۋ» تۋرالى كونستيتۋتسيالىق زاڭعا سايكەس، سايلاۋدى اۋماقتىق سايلاۋ كوميسسيالارى كەمىندە 40 كۇن بۇرىن تاعايىندايدى جانە جۇمىس ىستەپ وتىرعان اكىمنىڭ وكىلەتتىك مەرزىمى اياقتالعانعا دەيىن كەمىندە 10 كۇن بۇرىن وتكىزەدى.

«اكىمنىڭ وكىلەتتىلىگى مەرزىمىنەن بۇرىن توقتاتىلعان جاعدايدا سايلاۋ تاعايىندالعان كۇننەن باستاپ 1 اي ىشىندە تاعايىندالادى جانە 1 اي مەرزىمدە وتكىزىلەدى. ياعني، ناۋقان ۇزاقتىعى – 1 اي، ۇسىنۋ ءۇشىن - 2 اپتا، تىركەۋ كەزەڭى 10 كۇن بۇرىن اياقتالادى. سايلاۋ كۇنى تۋرالى حابار جەرگىلىكتى ب ا ق-تا جاريالانادى»، - دەدى ەرلان داۋىلبايەۆ.

اۆتور: مارلان جيەمباي