شىعىس قازاقستاندا جاپپاي مال قىرىلدى دەگەن اقپارات جالعان – ا ش م
شىعىس قازاقستان وبلىسى زايسان اۋدانىنىڭ شىلىكتى اۋىلىندا بەلگىسىز اۋرۋدان جاپپاي مال قىرىلدى دەپ تاراتقان ب ا ق- تىڭ حابارلاماسىنا بايلانىستى ق ر اۋىل شارۋاشىلىعى مينيسترلىگى مالىمدەمە جاسادى.
ۆەدومستۆونىڭ اقپاراتىنا سەنسەك، بۇگىنگى تاڭدا شىلىكتى اۋىلدىق وكرۋگىندە اسا قاۋىپتى اۋرۋدان مال ولمەگەن. وڭىردەگى شارۋاشىلىقتاردىڭ بىرىندە مالدىڭ جاپپاي قىرىلۋى بيىل مامىر ايىنىڭ باسىندا بولعان. سودان كەيىن اناەروبتى ەنتەروتوكسيننىڭ سالدارىنان 102 قوزىنىڭ ولگەنى انىقتالعان بولاتىن. سونىمەن قاتار، جايىلىمداردى تەكسەرگەندە دە ۋلى نەمەسە باسقا دا زيان ەشتەڭە انىقتالمادى. ۇلكەن قويلاردا اۋرۋدىڭ بەلگىلەرى بولعان جوق. وسىعان بايلانىستى ۆەتەرينارلار ءتۇسىندىرۋ جۇمىستارىن جۇرگىزىپ، شارۋاشىلىق يەسىنە بۇل جاعدايدا ولگەن مالعا وتەماقى تولەنبەيتىنى ايتتى.
سونىمەن قاتار، 2020 -جىلى جانە بيىل ءبىرىنشى جارتىجىلدىقتا جەرگىلىكتى اتقارۋشى ورگانداردىڭ ۆەتەريناريا قىزمەتى ەپيزووتياعا قارسى ءىس- شارالار كەشەنىن ۋاقتىلى جۇرگىزگەن. قازىرگى ۋاقىتتا قازاقستانداعى بارلىق اۋىل شارۋاشىلىعى جانۋارلارىنا اسا قاۋىپتى اۋرۋلارعا قارسى ۆاكسينا ەگىلدى. بيىل مامىر ايىندا قوزىلار ولگەننەن كەيىن شىلىكتى اۋىلدىق وكرۋگىنىڭ مالى ۆەتەرينار مامانداردىڭ قاتاڭ باقىلاۋىندا بولادى. سوندىقتان شىلىكتى اۋىلىندا مالدىڭ جاپپاي قىرىلىپ جاتقانى تۋرالى اقپارات تەكسەرىلمەگەن جانە جالعان.