13:02, 24 - ماۋسىم 2021 | GMT +6
ۆاشينگتوندا جاياۋ جۇرگىنشىلەر كوپىرى وپىرىلا قۇلادى
ۆاشينگتون. قازاقپارات - ۆاشينگتوندا سارسەنبى كۇنى تاس جولدىڭ ۇستىندەگى جاياۋ جۇرگىنشىلەر كوپىرى وپىرىلا قۇلادى، بەس ادام اۋرۋحاناعا جەتكىزىلدى.
بۇل تۋرالى قالانىڭ ءورت ءسوندىرۋ- قۇتقارۋ قىزمەتى ءوزىنىڭ Twitter پاراقشاسىندا جازدى، دەپ حابارلايدى قازاقپارات.
قۇتقارۋشىلاردىڭ مالىمەتىنشە، زارداپ شەككەندەردىڭ ومىرىنە ەشقانداي قاۋىپ ءتونىپ تۇرعان جوق. كوپىردىڭ استىندا جانارماي قۇيىلعان اۆتوتسيستەرنا بار ەكەنى ناقتىلاندى، توتەنشە جاعدايلار قىزمەتى ونىڭ اعىپ كەتۋىن توقتاتۋعا تىرىسۋدا. بولجام بويىنشا، اۆتوتسيستەرنا كوپىرگە سوعىلعان، كوپىردىڭ قۇلاۋىنا سەبەپ بولۋى مۇمكىن. پوليسيا وقيعانى تەكسەرۋدى باستادى.