+7 (701) 759 90 19
21 °С : نۇر-سۇلتان
28 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

عالىمدار كوفەنىڭ باۋىرعا تيگىزەتىن پايداسىن انىقتادى

24 ماۋسىم 11:46
:ءبولىسۋ
عالىمدار كوفەنىڭ باۋىرعا تيگىزەتىن پايداسىن انىقتادى

نۇر-سۇلتان.قازاقپارات - باۋىر - بۇل دەنەمىزدەگى ماڭىزدى اعزالاردىڭ ءبىرى. ول اس قورىتۋعا كومەكتەسەدى، ومىرلىك ماڭىزدى زاتتاردى سينتەزدەيدى جانە توكسيندەردى شىعارادى.

باۋىر قىزمەتىنىڭ بۇزىلۋى الەمدە ەڭ كەڭ تارالعان پروبلەمالاردىڭ ءبىرى. جاقىندا عالىمدار كوفەنىڭ باۋىر اۋرۋلارىنان ساقتايتىنىن انىقتادى. بۇل تۋرالى The Guardian حابارلادى.

باۋىر نە ءۇشىن اۋىرادى؟

ساۋتگەمپتون ۋنيۆەرسيتەتى مەن ەدينبۋرگتەگى كورولدىك مەديتسينالىق زەرتتەۋ ينستيتۋتىنىڭ زەرتتەۋشىلەرى 494585 ناۋقاستىڭ باۋىرىن 11 جىلعا جۋىق زەرتتەگەن. ناتيجەسىندە ولار 3600دەن استام ادام سوزىلمالى تۇردە باۋىرى اۋىرعانىن، 301 ادام باۋىر اۋرۋىنان قازا تاپقانىن تىركەگەن.

تالداۋ دەنە سالماعىنىڭ يندەكسى، الكوگولدى ىشىمدىك ءىشۋ جانە تەمەكى شەگۋ سياقتى فاكتورلاردى ەسكەرە وتىرىپ، كەز كەلگەن مولشەردە كوفە ىشكەندەردىڭ باۋىردىڭ سوزىلمالى اۋرۋى نەمەسە مايلى باۋىر اۋرۋىنىڭ دامۋ قاۋپى 20 پايىزعا تومەن بولعانىن انىقتادى. كوفە ىشەتىندەردىڭ مۇنداي اۋرۋلاردان ءولۋ قاۋپى 49 پايىزعا تومەن دەدى عالىمدار.

ەرىتىلەتىن كوفە، دەسافتى جانە ۇنتاقتالعان كوفە باۋىرعا جاعىمدى اسەر ەتەدى ەكەن.

«ۇلى بريتانياداعى اۋقىمدى زەرتتەۋ كوفە ءىشۋدىڭ باۋىردىڭ سوزىلمالى اۋرۋلارىنان ساقتايتىنىن كورسەتتى»، - دەيدى اۆتورلاردىڭ ءبىرى پروفەسسور پول رودەريك.

سونىمەن بىرگە عالىمدار ادامدار باۋىر اۋرۋلارىنان تەك كوفە ارقىلى عانا قۇتىلا المايتىنىن ايتادى. ولار الكوگولدى ازايتىپ، سالماقتى قالىپتى ۇستاۋعا كەڭەس بەرەدى.

massaget.kz



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات