+7 (701) 759 90 19
14 °С : نۇر-سۇلتان
19 °С : الماتى
USD 423.91 EUR 497.37
RUB 5.82 CNY 65.59
جاڭالىقتار

كوۆيدتىڭ ۇندىلىك شتامى قانشالىقتى قاۋىپتى؟

24 ماۋسىم 07:02
:ءبولىسۋ
كوۆيدتىڭ ۇندىلىك شتامى قانشالىقتى قاۋىپتى؟

نۇر-سۇلتان.قازاقپارات -الماتىدا «ۇندىلىك شتامم» انىقتالدى. بۇل تۋرالى بۇگىن قالانىڭ باس مەملەكەتتىك سانيتار دارىگەرى جانداربەك بەكشين مالىمدەدى.

وتە جۇقپالى ۆيرۋس 37 جاستاعى كەلىنشەكتىڭ اعزاسىنان تابىلعان. دەلتا شتامى قانشالىقتى قاۋىپتى، نەگىزگى بەلگىلەرى قانداي؟

«ۇندىلىك» شتامدى جۇقتىرعان الماتى تۇرعىنى ءۇي شارۋاسىنداعى ادام بولىپ شىقتى. قازىر ول جۇقپالى اۋرۋلار اۋرۋحاناسىندا ەم الىپ جاتىر. ونىمەن بايلانىستا بولعان تانىستارى جەدەل وقشاۋلانعان. جانداربەك بەكشيننىڭ مالىمەتىنشە، قالاداعى مۋتاتسيالانعان شتامداردى انىقتاۋ ماقساتىندا ارنايى زەرتتەۋ جاسالعان. سوڭعى 10 كۇندە 63 سىناما تەكسەرىلىپتى. ونىڭ 90 پروتسەنتىنەن «بريتاندىق» شتامم شىققان. ەكەۋىنەن «وڭتۇستىك افريكا» ءتۇرى تابىلعان. ال ءبىر سىناما ناتيجەسى الەمگە قاۋىپ ءتوندىرىپ وتىرعان «ۇندىلىك» دەلتا شتامى بولىپ شىققان.

جانداربەك بەكشين، قالالىق باس مەملەكەتتىك سانيتار دارىگەرى:

- كەشە ءبىز تاعى زەرتتەگەن كەزدە 9 سىنامادان 1 سىناماسىندا شتامم دەلتا، ءۇندىستان شتامى دەيمىز سول انىقتالدى. ءبىز ەكى رەت ونى جاسادىق. بۇگىن تاڭەرتەڭنەن باستاپ كونترولدىق زەرتتەۋ جاساعان كەزدە ءبىز تولىعىمەن انىقتادىق. قوسىمشا ايتقىم كەلەدى، ءبىز بۇل جۇمىستى قازىر كۇندە كۇندە جاسايمىز. سوندىقتان بۇگىننەن باستاپ وسى كوروناۆيرۋسقا ارنالعان زەرتتەۋدىڭ مولشەرىن كوبەيتتىك.

بۇل شتامنىڭ ەرەكشەلىگى تەز جۇعادى. مىسالى، ءبىر ناۋقاس ۆيرۋستى بىردەن التى ادامعا تاراتۋى مۇمكىن.

جانداربەك بەكشين ىندەتتى جۇقتىرۋ قاۋپى جوعارى بەس جەردى اتاپ ءوتتى. ولار ساۋدا نىساندارى، قوعامدىق كولىكتەر، بازار، تاماقتانۋ ورىندارى مەن ساياباقتار.

«قالاداعى ەپيدەميولوگيالىق جاعدايدىڭ تۇراقسىزدىعى تۇرعىنداردىڭ كارانتين تالاپتارىن ساقتاماۋىنان» دەيدى مامان.

ال «ۇندىلىك» شتامنىڭ نەگىزگى بەلگىلەرى مىناداي.

جانداربەك بەكشين، قالالىق باس مەملەكەتتىك سانيتار دارىگەرى:

- بۇل وتە جۇقپالى ۆيرۋس، ۇلىبريتانيالىق شتامنان ەكى ەسە اسىپ تۇسەدى. كلينيكادا وسى شتامم بويىنشا اۋرۋحاناعا ءتۇسۋ، قايتىس بولۋ ىقتيمالدىعى جوعارى. ادامنىڭ بۋىندارى قاتتى اۋىرىپ، ەستۋ قابىلەتىنەن ايىرىلۋى مۇمكىن. نەگىزگى بەلگىلەرى تۇماۋعا ۇقسايدى. باس، تاماق اۋىرىپ، مۇرىننان سۋ اعادى جانە دەنە قىزۋى كوتەرىلەدى. ءبىراق ءيىس سەزۋ جوعالمايدى. كوپ جاعدايدا جوتەل بولمايدى.

دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنشە، «ۇندىلىك» دەلتا شتامى الەمنىڭ 74 ەلىندە انىقتالعان. بۇگىنگى جاعدايدان كەيىن الماتى اۋەجايى مەن ۆوكزالدارىنداعى ەپيدەميولوگيالىق باقىلاۋ كۇشەيتىلدى. جالپى قالادا كوروناۆيرۋستى قايتا جۇقتىرعان 32 جاعداي تىركەلگەن.

جانداربەك بەكشين الماتى تۇرعىندارىن جاڭا دەلتا شتامىن جۇقتىرماۋ ءۇشىن ەكپە الۋعا شاقىردى. اۆتور: ارشىن كەمەلجان ۇلى


www.24.kz



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات