+7 (701) 759 90 19
12 °С : نۇر-سۇلتان
17 °С : الماتى
USD 423.91 EUR 497.37
RUB 5.82 CNY 65.59
جاڭالىقتار

ۆاكسيناتسيا مەن پ ت ر- تەستىلەۋدەن باس تارتقاندارعا قانداي شارا قولدانىلادى؟

23 ماۋسىم 22:08
:ءبولىسۋ
ۆاكسيناتسيا مەن پ ت ر- تەستىلەۋدەن باس تارتقاندارعا قانداي شارا قولدانىلادى؟

نۇر-سۇلتان. قازاقپارات - ق ر د س م سانيتاريالىق-ەپيدەميولوگيالىق باقىلاۋ كوميتەتىنىڭ ءتوراعاسى ايجان ەسماعامبەتوۆا ۆاكسيناتسيا مەن پ ت ر- تەستىلەۋدەن باس تارتقان قىزمەتكەرلەرگە قانداي شارالار قولدانىلاتىنىن ايتىپ بەردى، دەپ حابارلايدى قازاقپارات ءتىلشىسى.

«الداعى ۋاقىتتا ءبىرقاتار ساناتتاعى ادامداردى ۆاكسينالاۋ بويىنشا مىندەتتى تالاپ بولاتىنىن بىلەمىز. بۇل باس مەملەكەتتىك سانيتارلىق دارىگەردىڭ قاۋلىسىندا جازىلادى. باس مەملەكەتتىك سانيتارلىق دارىگەردىڭ قاۋلىسىن بۇزعانى ءۇشىن اكىمشىلىك قۇقىقبۇزۋشىلىقتار تۋرالى كودەكسكە سايكەس اكىمشىلىك جاۋاپكەرشىلىك قاراستىرىلعان»، - دەپ جاۋاپ بەردى ايجان ەسماعامبەتوۆا ورتالىق كوممۋنيكاتسيالار قىزمەتىندە ءتىلشى سۇراعىنا.

ونىڭ ايتۋىنشا، اكىمشىلىك جاۋاپكەرشىلىك جەكە تۇلعالار ءۇشىن دە (5 ا ە ك - 14585 تەڭگە)، زاڭدى تۇلعالار ءۇشىن دە قاراستىرىلعان. جۇمىس بەرۋشىلەر دە بۇل تالاپتاردى ورىنداماسا، اكىمشىلىك جاۋاپكەرشىلىككە تارتىلۋى مۇمكىن.

«ءاربىر جۇمىس بەرۋشى مەملەكەتتىك دارىگەردىڭ قاۋلىسىن قالاي ورىندايتىنىن انىقتاۋى كەرەك. ءبىز ءۇشىن ونىڭ ورىندالۋى ماڭىزدى»، - دەدى ايجان ەسماعامبەتوۆا.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات